ادعولي بليله القدر امانه لكل من يقراء

بسم الله الرحمن الرحيم

بنات ابيكم تدعوني ان الله يصلح بيني وبين اميمتي وانه يستجيب دعواتي ويوفقني في حياتي وييرزقني بزوج الصالح اللي يسعدني
انا احس اني متضايقه مرة ونفسيتي تعبت ابوي نادر مايسال عني تخيلوا تمر شهور مايدق واحاول اصبر ويغلبني شوقي وحبي له واتصل واذا كان عنده مرته يكلمني من غير نفس ويسولف مع اخواني جنبه ثم يرجع يقول وش تقولين احيان يحز بخاطري هالشي واذا كان لحاله احسه ينبسط بمكالمتي ويستقبلني كويس

ابوي مافيه مثله وحتى لو يخطي عيوني تغمض عن خطاه تخيلوا انا فيني ضمور بالمخ سببلي اعاقه برجولي لكن الحمد لله امشي سويت كذا عمليه وبفضل الله مشيت وبعد كل عمليه لما يفكو الجبيرة احتاج علاج طبيعي كانت مرة ابوي تسخر مني وتضحك وتكون اللله لايبلانا شوف كيف تمشي ودق على خويتها قدامي وتقول لو تشوفين شكلها تمسك على الجدران والله مت من ضحك لحالي .... ويوم بديت اكبر بدت غرتها تزداد مني وماتبين البس و
لا اقرب من ابوي ومرة قالت لابوي قدامي بنتك مو مثل اي بنت ماتقدر تحمل ولاتقدر تزوج مافيه احد يقبل ياخذ وحدة معاقه ولم راح ابوي قالت حطي اسمك عند خطابه عشان تنقلعين من على كبدي ويوم خطبني ولد عمي ارسلها ابوي تاخذ رايي وقالتلي الولد مايبيك يبي اختي ويحبها وعايفك قلت اللي عايفني مابيه وطلعت تكذب علي ويوم اجتمعوا الرياجيل وسط المجلس وجوا يملكون قالت لعمي البنت تقول مابيه عايفته هو واهله وخربت السالفه
وابوي يقول انا ابيك تعشين عندي

تكفون ادعولي اتملك في هالعيد مابي اعيش عندها