اللي تقولي عن الرقية ولله الحمد والمنة
من ستة سنوات اصبت بعين والى الان لا اترك الرقية

اختي الغالية الاحسن تسويها بمستشفى حكومي لانك ان جمعتي قيمة العملية بطلعة الروح والديون منين حتجيبي قيمة الشد كل منطقة لن تقل قيمة شدها عن قيمة العملية نفسها يعني بالميت كذا حطي ببالك انك حتدفعي 80 الف شد ذراعين وفخوذ وبطن وظهر وصدر ويمكن رقبة ووجة اذا انتي في الاربعينات ووجهك حيل مربرب
فانا اقول الوزن ذا ما جا في يوم وليلة تحملي كم يوم لين يجي موعدك بمستشفى حكومي عشان يحولوك على عيادة الترميم ويسوولك الفل بكج تكميم وتجميل
واشتغلي على نفسيتك وتفكيرك لان البلاء مو في زوجك ولا في جسمك البلاء في طريقة التفكير وسوء التقدير وله علاقة بتقديرك لذاتك
سبع سنين معه وهو شخص الله فاتحها عليه ما عرفتي تطلعين منة قرش ليش ما شرا لك ذهب وين شبكتك وين هدايا الذهب بولاداتك وين ذهب العيد
بعدين يوم ضغط علسك يبي عيال ليه ما قلتي عطني عن التعب الي بشوفة انتي عودتيه انه ما يدفع وهو ما صدق خبر
لاني شايفة ان رجلك يستغلك لاقي خدامة وطباخة ومربية و زوجة ببلاش وشكلك منتي مادية ولا لك طلبات ليه راتبة هالقد وانتي تحوسين تدورين الريال
ليه مالك مصروف
انا مكانك اتميرض واسوي نفسي تعبانة واقول الدكتورة تقول عندي زلال وضيق تنفس والضغط عندي مرتفع واتسدح باليومين خليه هو يقابل عياله ولا يحط لهم خدامة
ولا خليه يشترك لك اقل شي بدايت سنتر بالفين ريال كل شهر ما يضره
صراحة جد يعني الله يعينك عليه

اختي نصيحه ارجعي فاتحي زوجك بالموضوع او قدمي ع مستشفى حكومي وطبقي طريقه الاخت اللي كانت تمشي ساعتين كل يوم

رفع

الله يشفيك ويفرجها عليك