من أقل من شهر.... كنت أشارك في المنتدى و أنا في قمة السعاده و أتابع المواضيع في قسم الحوامل و خصوصا التجهيزات للبيبي الجديد....و بدأت أشتري و أنا بالشهر الخامس... جبت كل حاجه من رضاعات و لبس ..و سرير و عربية البيبي و كرسي العربيه....و كنت أعد الأيام يوم يوم ....و أستنى اليوم الي أشيل فيه بنتي أول فرحتي....و أكتر حلم اتمنيته في حياتي.... بس ربي كان كاتبلي شيء تاني......
الحمد لله....في أول الشهر الثامن للحمل... توقف النبض فجأه و هي في بطني......... اليوم الي قبله كانت تتحرك حركات قويه حتى جوزي كان شايف حركة بطني من بعيد..و كان بيضحك و هو سعيد....و تاني يوم ماتت و اختفت الفرحه بدون أي سبب معلوم
يمكن كانت بتودعنا قبلها بيوم... أو يمكن كانت و قتها بتموت أو تعبانه و احنا فاكرينها بتلعب في بطني؟؟؟؟ ولدتها ميته بعد ثلاث أيام عذاب طلق صناعي... و كانت زي القمر..ملاك يا روحي... بس ميته...الله يجمعنا بيها في الجنه أنا و أبوها ..يارب
الله يرحمها و يرحمنا برحمته الواسعه...آمين.... الحمد لله الذي لا يحمد على مكروه سواه
الدكتور الي ولدني ... قالي أعمل تحاليل الأجسام المضاده ... بيقول احتمال يكون عندي أجسام مضاده في الدم بتسبب جلطات في المشيمه تمنع الدم يوصل للجنين... و خصوصا اني حملت مره قبلها بس الحمل نزل و كان عمره 40 يوم
الي يعرف حاله زي كده كان عندها أجسام مضاده و اتعالجت و حملت بعدها و حملها كمل على خير يقوللي الله يكرمكم.... محتاجه حد يطمني و يدعيلي لو كان عندي مشكله بتموت الأجنه في بطني.... يشفيني
و لو حد يعرف دكتور خبره في مواضيع مشابهه ياريت يقولي و ميبخلش علي
و ربنا يكملكم حملكم على خير يا رب..... و محدش يشوف الي أنا شفته
nanno32 @nanno32
عضوة فعالة
يلزم عليك تسجيل الدخول أولًا لكتابة تعليق.
مراااام الحب
•
الله يرزقج جريب الغاليه
الله يعوض عليك ان شاءالله سوي النحليل ضرورررري لانه فعلا يموت الجنين ان كان عندي وتعالجت الحمدلله والله يتمم عليك
ياحياتي الله يربط على قلبك ويعوضك
انا مريت بنفس معاناتك بسبب موت بطني كان شي ثاني والحمدالله ربي عوضي بس لسه استنى الولاده
انا مريت بنفس معاناتك بسبب موت بطني كان شي ثاني والحمدالله ربي عوضي بس لسه استنى الولاده
الصفحة الأخيرة