كلام الاخت ضيم صحيح
لازم تعرفون اثار هذا السم اللي ياخذه علشان تعرفون تتصرفون معاه وتتقبلون ردات فعله
وربي غصب عنه
حرام خلي امك تصلي الليل وتدعيله من قلبها وش بتستفيد لارجعلها جثة
وقسم اببله اني رحمته
واعرفوا انكم مو الوحيدين في شباب ضاعوا
وحله مو بيوم وليلة يعني هاوشتيه خلاص بيبطله اليوم الثاني
كلموا واحد حكيم وصالح يتفاهم معه ويخاويه لعل ربي يفتح على قلبه ويتوب ويتعالج من ذا السموم
وانتوا حاولوا تحتونه وتتقبلووه
لاعاد تدعون عليه قدامه وتهاوشونه يمكن يعاند ويسوي شي اكبر

الله يهديه ويشفيه يارب

ياعمري معروف اللي ياخذ هالبلاوي يصير عصبي ومايطيق نفسه حاولو تهدونه وتجلس امك معه وتتفاهم وياه واذا تقدرون تعالجونه بمستشفى الامل وقولو مسافر مو شرط احد يدري ويارب ياخذ اللي ضيعه وضيع شباب المسلمين الله لايوفقهم
يارب البيت والحرم يهديه ويصلحه ويسخره لكم ولامك المسكينه ويبعد عنه اعيال الحرام وبنات الحرام ادعوله بصلاتكم وتصدقو بنية ربي يصلحه تكفيييييييييين وان اختك ادعوله بالهدايه لاتدعون عليه ادعو على اللي ضيعوه

ادعوا له ان الله يهديييه اخوك في فترة طيييش وتخبط وبالله المستعان

الله يطول بعمر الوالده ويمتعها بالصحه..ويرزقها بر اخوكم..
حبيبتي انتوا حريم فما راح يسمع منكم ولا تقدرون عليه ضروري ضروري تخبرون واحد كبير من عائلتكم ..لا تسكتون عن الامر لازم تساعدونه على نفسه ولازم يتعالج..
وقولي لامك لا تدعي عليه خليها تدعيله بالهدايه افضل لان دعوة الام مستجابه..
والله يصلحه ويهديه لكم..

الله يهدية ان شاء الله
لكن حبيبتي انا لو بمكانك ابلغ عنه حتى لو اخوي
لان السكوت خطاء بيستمر يتعاطى ويمكن يتطور الحال
لكن لما ابلغ يتعالج وينسجن ويعقل غصبن عنة ويكشف عن من يعطية ومين يتعاطى معه وتكوني فكيتية وفكيتي كثير من الصغار من هذا الخطر...لاتقولين الناس وفضيحة الناس تتكلم سواء فية شي او لا ماهمها الا الكلام والغلط والتجريح بالناس من دون اصلاح وتستر..والله يهدية ياااااااااااارب ويشفية من كل سوء ويسخره لكم يارب..