ادعولي مصيبتي ٢ في اني وفشل اطفال انابيب

السلام عليكم
حبيباتي اعلم ان منكن من اذا دعت اجيبت دعوتها ادعولي قلبي تقطع قبل ١٠ ايام عملت انابيب وتم ارجاع جنين ورجعت لبيت حبيبتي امي ونمت عصر صحيت مغرب تقهويت معها وخواتي وتعشينا وانا تعرفون انابيب ماعلمت امي لانها تقلق وتعلم الليل الساعة ١٢ انكتمت وتوفت وخواني بيودونها السيارة طاحت اه ياقلبي الله لايذيقكم ظرفي اللي مريت مدري اموت ولا اطير ولا ايش اسوي ليلة سودا يوم دخلت اختي وحنا ننتظرها نحسب اغمي عليها قالت عظم الله اجركن ماتت انا دوروني اصيح ابكي اصدق انخنق نسيت اني مصلحة انابيب ماعاد ابي شي رحت الظهر من بكرا شاركت بتغسيلها ودعتها قلت يمه سامحيني موعدنا الجنة يمه لو جوك ملكين قالو من ربك قولي الله مادينك قولي الاسلام ....كرتها عليها حبيت رجلها وراسها وبطنها وكلها ويدها ادعولي تكفون رجعت العزا ما اصدق الناس يدخلون يعزون بطني مغص ثاني يوم نزل دم خفيف واستمر وقبل يومين حللت مافي حمل
الحمد لله عندي بنت وولد ادعولي تكفون فاجعة بامي اكبر مصيبة ومن بعدها فشلت عمليتي
ولا حول ولاقوة الا بالله
دعواتكم خواتي لي فانا بحزن عميق