اهلين انتي قلتي ( الخلاف على البيبي )

ليكون الخلاف على اسم البيبي

الصراحه هو سبب تافه بس اخوك له حق يرعل اذا طلب منكم الشي هذا ورفضتو , لان هو من غلاكم عنده يبي اسم ولدكم عليه

قولوله ان شاء الله الثاني على اسمك ولنا الشرف

والله يهديهم

السلام عليكم و رحمة الله و بركاته ..

أختي TurkisH_CoffeE ..

خليتيني أجلس أقرأ كل كلمة من كلامك و أحللها :23: ..
و الله يعينك على تحليلاتي العبقرية :23: ..

أعطيكي تحليلاتي و قوليلي جبتها أو لا ؟؟
أو حتى قربت شوية ..

أولا ..
زوجك + أخوكي أصحاب وعلاقتهم كانت جيدة ..

و إنتي جبتي بيبي بنوتة سميتيها شوشو الله يحفظلك هي :) ..
و مرت أخوكي غيرانة ( يمكن ما تخلف !! ) ..
و سببت مشكلة بينكم ..
ويبغاكي تعطيه البيبي عشان هو و مرته يربوها و يحسو
بالأبوة و الأمومة على حسابكم و حساب بنتكم :( ..
( ترى فيه ناس يسووها) ..

أو ..

مرت أخوكي عندها بيبي و يبغاها ترضع البيبي حقتك عشان
يسيرو أخوان وبالتالي تقوى العلاقات والروابط بينكم بزيادة ..
أو العكس يبغاكي إنتي ترضعي البيبي حقه .. وبالتالي
نفس النتيجة !!

و لمن إنتي و زوجك رفضتو .. ( وهادا الشي حقكم إنتو
الإتنين .. و يخصكم إنتو الإتنين .. و إنتو أدرى مصلحتكم
و مصلحة بنتكم فين ) !!
سار فيها قيل و قال ..
و أشتغلت اللغوصة حقت حريم الأخوان خرابين البيوت ..
حسبي الله و نعم الوكيل فيهم ..

و سرتي إنتي تسمعي الكلام يتحدف عليكي من كل ناحية ..
( شغل الحريم و نقل الكلام .. يلف و يدور و يوصل لك إنتي
و زوجك و أهلك و حتى يمكن أهل زوجك !! ) ..
و قمتي تنقهري ..
و تحسي بتأنيب الضمير ..
و تبغي تصلحي المواضيع عشان تقصري الشر و الفتنة ..
وما تبغي الكلام يكتر ..

وأخوكي لازال شاري زوجك ( بس بشروط ) ..
يعني مصر على رأيه و موقفه ..
و زوجك أخد موقف من أخوكي وما يبغاله شي ..
و شاري دماغه و مرتاح ( وفي إعتقادي هو الصح ) ..
هادا طبعا إذا كان تحليلي صح :) ..

وفي الآخر إنتي إللي بيلعبو بيكي كورة في النص بينهم :( ..
و إنتي إللي ضايعة بينهم :( ..
و إنتي إلي محد بيراعي مشاعرك ولا حاطط لك إعتبار ..
و إنتي إللي جالسة تنقهري و تحرقي دمك و تزعلي عشانهم ..
و زعلك هادا بيأثر على البيبي و رضاعتها .. حرام عليكي :( ..

والسبب على قولتك تـــــــــــافــــــــــــــــــه !!

شوفتي تحليلاتي الخنفشارية كيف :23: ؟؟
بس قربت من المشكلة ولا لا ؟؟


والله يعينك و يصلح لك أمورك و أمورنا ..


تحياتي ..
جــــــــداويــــــــــــة

تقوى الله
هههه ضحكتين .....تقريبا ومو تقريبا لكن برضوا اقولك مكابرين مهما يصير ومهما اسوي علشان كذا قلت بطنشهم وبالطقاق ومشكوره اختي على دخولك


جداويه
ههههههههههههههههههههههههههههه ياحلوك وياحلو تحليلك ...لا الحمد لله اخوي عندهم بنت اصغر مني ب4 سنوات تخيلي !!!
ولا يبون يرضعونها ولا ابي ارضع هههههههههه
لكن قلتي من الصح ..... المهم يا اختي والله طنشتهم خلاص مافيني اجلس اسمع من هذي كلام ومن هذا كلام وميه بالميه معنا الصح والحق ولو مو معنا الحق كان شفتي جماعتنا كلهم قالبين علينا بس هم تاركين الموضوع لانه ماله داعي يتكلمون فيه بس

الحمد لله على كل حال ونعوذ بك من حال اهل النار

الله يكون بعونك

والله مادري وش اقولك بس ما حبيت اطلع بدون ما ارد حاولي تسددين وتقاربين بحيث ترضين جميع الاطراف لان الوضع صعب هذا اخوك وهذا زوجك الله يولف ما بين قلبوبكم امين يارب العالمين
تحياتي