ادعولي يابنات ..ان الله يفرجها من فوق سبع سماوات

السلام عليكم
كيفكم بنات بدخل بالموضوع على طول

زوجي الله يهديه كان يشتغل في شركه ونقل لشركه ثانيه لكن المصيبه انه استقال قبل
ماينقل للشركه الثانيه وهالكلام له ثلاث شهور وخلصت كل الفلوس اللي عنده
انفقنا انا وياه انا اروح لاهلي انا وعيالي وهو ياخذ مني 600 يصارف عمره فيها
انا رحت لاهلي وقعدت اسبوعين ونص وهو صرف 600 كلها والحين انا طلبته حفايظ للعيال قال ماعندي
الا اربعه ريال ....؟

وانا استحيت من اهلي حتى اختي الموظفه تصرف علي ..قام ابوي طلع من دولابه الف ريال وحطها فوق الطاوله بغرفته وقال لي هذي الالف حقت عيالك وانتي بس بس بس ياويلك تعطينه منها
خليه يحس بطعم الفقر عشان يعرفه
ولو دريت انك اعطيتيه منها اني اوريك شغلك
المهم انا ماجاز لي كلامه رحت غرفتي بكيت لما انفجر راسي حسيت بطعم الذل والفقر
لكني قسمت بالله لو مااعيش ولا يعيشون عيالي اني مااخذ منها واخليها زي ماهي
هذا ولدي ابي له حفايظ بكره لكن ماراح اطلبهم اكتفيت من الكلام اللي سمعته
وش رايكم بس ارجع لبيتي والا وش اسوي
تكفون يابنات ادعو لي الحين داخليين على عيد حتى ملابس ماراح نشتري
ادعولنا ربي يرزقنا حتى وظيفه ماني قادره اتوظف انا الحين تخرجت بس عندي ماده محموله وقالوا الوثيقه بعد الاجازه

والله يعين