ادعو لاخوي ربي يشفيه تكفون والي عندها خلفيه عن هوا الرئه تخش تعلمني

الله يشفيه يارب ويحفظه لكم

الله يشفيه يارب ولا تخافين ي قلبي يجيء ويروح والله دخلت عشان اقولك كان في أبوي يوم كنت صغيره,وهذا انا حرمه وابوي الحمدالله عايش ولا فيه الا العافيه بس يسوي اللي يقولون الدكاتره ويبعد عن المدخنين والدخان، تراه بعد يوتر الواحد اذكر ابوي وسوس منه

الله يشفيه ويطمن قلبك عليه

الحمد لله على كل حال
والله يشفي اخوك يالحرف ولايفجعكم عليه ولايفجعنا بغالي
والله يطمنك ياحلام
بس بسالك ابوك عمل عمليه

الله يشفيه ي عيوني
والعمليه بسيطه جارتي مصلحتها مرتين المره الاولى
واتوقع انها انكتمت مره وبسرعه شالها زوجها للمستشفى وعلى طول بدون بنج وهي بالطوارئ فتحوا للرئه وهي تطالع فيييهم صحيح تعبت لكن ربي معها ومنعوا منها اشياء من ظمنها ماتسافر جو المرتفعات تضرها ولا تشم روائح قويه مثل الدهانات والبخوو
ورجعت انكتمت مره ثانيه وطلبت تحويل لمستشفى العسكري بالرياض وصلحتها ببنج والحمد لله تيسرت والحين طيبه وحملت بعدها ولاعاد اشتكت
توكلوا على الله وخلوه يصلحها
وربي يشفيه ويعافيه