يا قلبي من حق امك تطلب انه يسكن ضرتها في بيت مستقل على الاقل شقه ثانية او دور ثاني ما يجيبها في بيت امك
لان حق السكن من حقوق امك ما تشاركها الضرة
ليش رضيت من الاساس انها تسكن عندها هذا حق تقدر تطالب فيه اذا مارضي تقدر تاخذ حقها من المحكمة وغصب عنه
وابوك من حقة الزواج ولكن يحترم حقوق امك ويعدل بينهم
والله يصبرنا على الرجال

السلام عليكم ورحمة الله وبركاته

بس ابي افضفض شوي بس شوي والا السالفه مرره طويله وادري مابيدي الا الدعاء وبس

ابختصر عليكم واقول انا من قبل اتزوج كانت حياتي عند اهلي طبيعيه واحدد علاقتي مع ابوي كانت عاديه مثل كل اب شرقي سوالفنا قليل واحتكاكنا قليل واصلا بيتنا كان مليان حنا كثيرين وانا من الصغار بالعايله بس بنفس الوقت ماكان ابوي متشدد والا معقد لاعادي كنا نزور صاحباتنا ونسافر يعني وضعنا كان طبيعي
وبالنسبه لعلاقته بامي كمان كانت مررررررررره حلووه ابقولكم امي ضعيفة شخصيه مرره وتحب ابوي بجنون وكانت بس لبيه لبيه ولاتكثر عليه طلبات وتخدمه ليل نهار وبس بالمطبخ تسوي له الاكل اللي يحبه يعني كنا من جد نشوفها تعشقه وهو من ناحيته كان يحبها بس مو مثلها
المهم بعد عشرة اكثر من ثلاثين سنه وهي طايحه عند رجوله تخدم فيه (( وعندها هشاشة عظام )) راح اتزوج عليها ؟؟؟؟؟؟؟؟؟؟؟:mad:

تخيلو يابنات هذا جزاها صبرت عل كل شئ وكانت تحرم نفسها من كل شئ عشانه وربي حتى الشغالات ماتحرص تجيب مع انها تتعب لكن تضغط على نفسها لعيونه ولاتشتكي وخاضعه
تزوج عليها وحده اضغر من بناته لا وتخيلو (( بنت )) يعني ياليته اخذ وحده كبيره والا مطلقه والا ارمله حشمة لامي
لالالالا اكبر اهانه لها جاب لها وحده اصغر من بناتها
وشوفو قوة العين مسكنها معها بنفس الدور ؟؟؟؟ لاحظو اني قلت دور يعني مو فله والا قصر لا وربي الغرفه جنب الغرفه والحمام مشترك ؟؟؟؟
تخيلو ماحترم حبها له وقهرها لافرق السن بين امي وزوجته يجيبها قدام عيونها ليل نهار
ويابنات تزوج وحده قليلة ادب مو محترمه (( ولاتقولون اقول هالكلام لاني اكرهها لاوربي صح اكرهها بس شوفو تصرفاتها))
تطلع بالارواب برا غرفتها وتلبس البجايم والمحزق والملزق قدام امي والبناطيل والقصير وبكل وقاااااحه وامي مرره تنقهر وكلمت ابوي وهو يقول وعد ماعاد تلبس بس يخليها على هواها
هذا غير حركاتها معاه وقلة حياهم (( اكيد بتعلقون على هالكلمه بس وربي انها قلة حيا فيه وفيها تخييييلو حنا بناته متزوجات واخواتي الكبار اكبر منها وحنا ساكنين بمدن بعيده عن اهلي وتتعمد اذا كنا بنجي تخليه يسوي لها علامات بجسمها(( فهمتو )) على رقبتها وصدرها وتتعمد تلبس مفتوووووح وتطلعها لنا يعني شوفو ترا زوجي مثل ازواجكم؟؟؟؟؟؟؟؟
وش رايكم لما تطلعها قدامنا وبوجوده ؟؟؟ وبوجود اولاد اختي وهم شباب وربي ماتستحي ولا هو يستحي لانه تاركها على هواها

انا يابنات عقب ماتزوج صرت بااااااارده من ناحيته ولاعاد احس تجاهه باي مشاعر غير الغضب والقهر على امي
وربي لو مسكنها بعيد عن امي كان عادي
ولو امي ميته (( بعيد الشر عنها )) كان عادي بكيفه

بس ليش يقهرها ؟؟ لانها ضعيفة شخصيه
قمة القهر وربي ولا تخيلو يوعد امي باشياء بس كذا تسكيته لها ويسحب عليها لاحشم عمرها وكبر سنها وقدر العشره وربي قمة الخيانه

والقهر امي باقي تخدم فيه وفي ست الحسن معه
آآآآآآآآآآآآآآآآآآآآآآآه يالقهر يابنات

احيان اقول هذا ابوي لازم ابره طيب بس وربي اشياء تقهر تقهر وفيه سواااااااااالف كثيره ترفع الضغط بس مافيه مجال اقولها

محروق قلبي على امي مررررررررررررررررررره
ومابيدي حيله غير الله يعصم قلبها ويصبرها ويجبر كسر قلبها وربي ارحمها تبكي بغرفتها وتطلع وجهها وارم ياعمري وربي ماتستاهل الله يسامح اللي كان السبب بس
[

##############

اشكركم كلكم على ردودكم ودعواتكم لها
بس يابنات اللي تقول تروح عند احد اولادها وتعز نفسها ابقول ترا كلنا بناااااااااااااااات وعندنا ولد وحيد وللحين مو متزوج .وربي لو ترضى تجي عندي كان ابركها ساعه بس هي ماتبي انا قلت لكم تحبه بجنوووووووون ماتقدر تخليه واصلا لو فكرت بالطلاق كلنا بنحتويها الحمد لله رجالنا طيبين بس هي متمسكه فيه مررررررررره
واخوانها (( خوالي )) لما عرفو مرره زعلو وكلموها وقالو اللي تبينه حنا معك وناخذ حقك بس هي رفضت وبينت ان الموضوع عادي لانها تحبه .
واذا قلنا لها خليه يطلعها تقول اخاف تغيره علي ولاعاد يجيني ولا يدخل علي ؟؟ تخيلووووووو بس تبي تشوفه وتحس بوجوده ..آآآآآآه ياهمي
واصلا ضعف شخصيتها هو اللي نكبها والا ابوي تراه مو قوي مره يعني حرمه قويه شوي تقدر تمشيه على الصراط المستقيم
هو له الحين متزوج تقريبا 3 سنين وصارت مشاكل اول الزواج وكلموه اخواتي الكبار وقالو طلعها وش ذا القهر وامي طاحت تعبانه بس المشكله امي متمسكه فيه يعني اذا هي راعية الموضوع ساكته وصابره مانقدر احنا نطلعه بالذات اننا متزوجات وساكنين بمدن ثانيه يعني لو حنا باقي بالبيت كان ممكن يكون لنا كلمه
حنا مقهورين منها وعليها ... منها لانها ضعيفه مرره وساكته عن حقها واحنا مهما سوينا وتكلمنا يقول هي راضيه وهي تبي ماعندها مشكله ؟؟؟(( فهمتو هو مستغل ضعفها وسكوتها )) ومو بعيده انه مهددها لو سوت مشاكل انه يطلع مع الثانيه ولاعاد يجيها عشان كذا ساكته
وزعلانين عليها لانها ياعمري ماتستاهل وربي طيبة الدنيا بقلبها وهو استغفلها واستغلها وظلمها
آآآآآآآآآآآآآآآآآآآآآآآآآآآآآآ آآآآآآآه يالرجال وربي مالهم امان صح انه ابوي بس حقدت عليه بعد هالسالفه مره .
وعلى فكره هي مو صغيره مره يعني ممكن 32 زي كذا بس خواتي الكبار اكبر منها وفرق العمر بينها وبين ابوي كبير لان ابوي سبعيني تقريبا ..بس ابفهم وش تبي فيه ؟؟؟
خلصو الرجال يعني ؟؟
بنات نصيحه مني حبي زوجك وعامليه مثل ماتبين بس لايحس انك ضعيفه او مكسوره بدونه لاتحسسينه انه حياتك وبس

يااااااابنات عزو انفسكم والا وربي يذلونكم وخذي حقك بنفسك ولاتنتظرين احد يحن عليكي والا يهتم اذا ماعزيتي نفسك محد بيعزك
انا بعد سالفة امي جتني عقده من الرجال وعقدة من ضعف الشخصيه لازم الوحده تكون قويه عشان تاخذ حقها ومحد يظلمها (( الظلم عذاب وقهر ))

سلام شوفي لازم تكلموون موانتم البنات العيال يقولون له يطلعها بشقه لوحدها ويعدل يوم هنا ويوم هنا وانهم امهم حقها اكبر من كذا ويفهمون ابووكم

حسبي الله عليه والله يصبر امك المسكينه ..

ياعمري ثار دمي وانا ماعرفكم

الله يصبر امك ويعوضهااا ياارب