السلام عليكم ورحمة الله وبركاته
كلكم تدرو انه قبل اسبوعين بدا التسجيل لسنة اولى للسنة الجاية وقدمنا لولدي في نموذجية جنب بيتنا المهم اليوم زوجي راح المدرسة عشان يشوف يراجع وقالوله عشان ولدك ماعنده اخو في المدرسة حانسويله اختبار قبول
يابنات والله شايله هم خايفة ولدي يجيله وقتها استهبال وما يحل ماادري حايكون شفهي ولا كتابة انا الحمدلله ولدي في الحروف والارقام شاطر بس تدرو العمر دا احيانا يستهبلو
بالله ادعو انه ولدي ينقبل لانه صراحة المدرسة سمعتها مرة ممتازة و احسن نموذجية في جدة وماشالله فيها تعليم للسباحة وكلنا نبغا الافضل لاولادنا واللي مر عليها موقف زي كده تقولي ايش نوعيه الاختبار
بنات ادعووووووووووووو الله يخليكم
charming_roro @charming_roro
كبيرة محررات
يلزم عليك تسجيل الدخول أولًا لكتابة تعليق.
الواثقة
•
ما عندي خلفية عن نوعية الإختبار اللي ح يعملوه بس حبيت اقلك صلي صلاة الإستخارة وصدقيني لو فيها خير إن شاء الله ربي ح يسهلها والله مرة كدا سويت مع بنتي وربك سهل لها وابغى أسألك ولدك دخلتيه تمهيدي ولا لأ لأنو حيفرق معاه الله يختار لك ولولدك الطيب الصالح
ان شاء الله يكتب له ينقبل لاني مريت بالمعاناه السنه الي فاتت لانو ابني لما سوله اختبار مارضي يجاوب واستهبل وقالهم ابغا ماما فرفضوه وديته مدرسه ثانيه وكانت الاسئله عباره عن اعداد في ورقه وسالوه كم سؤال يشوفو كيف تجاوبه .
الصفحة الأخيرة
اللهم آمين