ادعو لي يابنات

الله يشرح صدرك ويسهل امرك ويجبر خاطرك
فكري ليش يصير معك كذا وش الحكمه والرساله اللي رب العالمين يبيك تفهمينها ؟
العطاء الزايد مضره لك
الفزعات والوقفات الزايده مضره لك
وانتي قلتيها ضعيفه عشان كذا يزيدون الظلم عليك
يعني انتي وطيتي راسك لهم وخليتيهم يدعسون عليك برضاك وموافقتك الله يكرمك
تعلمي تكونين شجاعه قويه بالحق وتحطين للاخرين حدود معاك
البكاء والنياح والشعور بالمظلوميه والله ما تنفعك بشي ماينفعك الا انك تخرجين نفسك من دور الضعيفه الهشه المسكينه الى دور القويه الناضجه اللي تعرف تتخذ قراراتها الصحيحه وتبدي نفسها على الاخرين
صححي الخلل بداخلك وبتزين امورك بإذن الله
وتذكري محد يقدر يدعس فوق راسك الا اذا انتي وطيتيه لهم .

تأكدي كل فعل طيب قدمتيه مايضيع عند الله اجره مكتوب ، وعمر الإحسان مايروح هباء منثورا
بتلاقي اثره مع السنين كيف الله بينجيك بإحسانك ويدفع عنك الضر

ثانيا مواقف الحياة.. دروس ، اللي يعيشك خيبة هذا الشخص رسم لك خريطة التعامل اللي يستحقها ..

فلا تتأزمي لما تقابلي احد مايثمر فيه المعروف الناس اجناس ومعادن
وانتي انتقي وتعلمي كيف تتعاملي مع الناس بطريقة هم أهل لها .. دون ضرر وتعدي

الله يفرج همك امين

إقرئي كيف تقوين شخصيتك واثقين بنفسك او راجعي اخصائيه نفسيه جلسات سلوكيه تساعدك... شوفي الشخصيه الحديه او إقرئي أنماط الشخصيات يمكن تكتشفي شخصيتك وعلاجها او كلمي دكتوره تحدد نوع شخصيتك