ادعيه ساعدتني في تفريج همي ياربي لك الحمد

السلام عليكم ورحمة الله وبركاته 
حبيت اكتب بهذا القسم لانه استفدت منه كثير ويعلم الله اني دعيت للأخوات اللي استفدت من مواضيعهم 
بدايه قبل تقريبا سنه بدت مشكلتي بالبدايه كنت بس مقضيتها صياح ونياح جلست على هذا الحال 3شهور واهملت بيتي وعيالي وما خليت احد ما شكيتله شكيت لامي قالت لمي عفشك ونجي وناخذك قلت لا ما ابغا اشتت عيالي وشكيت لام زوجي قامت الضعيفه تبكي وقطعت قلبي وشكيت لقريبتي وزادتني هم فوق همي 
لحد في يوم من الايام جاتني رساله واتس ادعيه للشيخ محمد العوضي الله يجزاه خير الجزاء وهذي الرساله قول محمد العوضي :~كل ماجاني اتصال من وحدة مكتئبه وفيها ضيقه نصحتها تردد هالأدعيه أول ماتحس بضيقة صدر ويقول الحمد لله بعد كم شهر يدقون يدعون لي ان الله فرج همهم وريحهم .. !أرفعو ايدكم للسما و رددو .. ;-“ ياحي ياقيوم برحمتك استغيث “ “ ياحي ياقيوم برحمتك استغيث “ “ ياحي يا قيوم برحمتك استغيث “
“ اللهم أصلح لي شأني كله ولا تكلني الى نفسي طرفة عين“ “ اللهم أصلح لي شأني كله ولا تكلني الى نفسي طرفة عين“ “ اللهم أصلح لي شأني كله ولا تكلني الى نفسي طرفة عين“
سيد الاستغفار «اللهم أنت ربي لا إله إلا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت أبوء لك بنعمتك عليّ، وأبوء لك بذنبي، اغفر لي فإنه لا يغفر الذنوب إلا أنت». ‏​‏​‏​‏​*تحمل هم ردد ؛( حسبي الله الذي لا اله إلا هو عليه توكلت وهو رب العرش العظيم )*ضائق صدرك ردد ؛( ربي اشرح لي صدري ويسر لي أمري )*غير موفق بحياتك ردد ؛( وما توفيقي إلا بالله عليه توكلت وإليه أنيب )*تريدالمحافظة على الصلاة ردد ؛( ربي أجعلني مقيم الصلاة ومن ذريتي ربنا وتقبل دعاء )
XXX
توكلت على الله وبديت صرت احس بعد كل صلاه لما.  اقول هالدعاء براحه 
بعدين صرت ادخل هنا ويشدني اي موضوع عن الدعاء بتفريج الهم عرفت انه الواحد قبل ينام لازم يكون على طهاره ويجلس يستغفر عرفت ان الدعاء بصلاة الوتر طريقته انك تركعين واذا رفعتي من الركوع ارفعي يدك وادعي ربك وفيه كمان. موضوع اخت كاتبته الله يجزاها الجنه عن التعار في الليل ماكنت ادري يعني ايش لما قريته عرفت انه اذا كنت نايمه وصحيت بدون سبب قبل ترجعي تنامي ادعي لانه وقت استجابه وجلست ادعي بكل وقت احس فيه استجابه بين الاذان والاقامه يوم الجمعه قبل اذان المغرب اخصصلي ساعه.  ادعي فيها 
التطورات اللي صارت انه زوجي صار يجي ويقول انتي تدعين من قلبك لانه كل ما صار بيسوي شي يقول سبحان الله الامور تتعقد وماتتم
المهم في يوم صليت قيام الليل ونمت وتحلمت حلم وانا في المنام ادعي (ربي اني مظلوم فانتصر) وصحيت وانا ابكي واردد هذا الدعاء يمكن ما تصدقون لو اقولكم والله ما كنت اعرف هذي الايه لاني ماني حافظه القران وبحث طلعت الايه(ربي اني مغلوب فانتصر) استغربت لاني انا مو مظلومه. انا مقهوره لكن مرت الايام واكتشفت اني مظلومه والله العظيم فرحت قلت يله سبب كمان يستجاب فيه دعائي 
وفضلت على هذا الحال 8شهور والحمد الله المشكله في ليله وحده بس ليله وحده انتهت 
ياربي الحمد
اللهم ما امسى بي من نعمة فمنك وحدك لا شريك لك
اعذروني على الاخطاء داخله من الجوال وارجو اني ما اكون طولت عليكم