ادعي على زوجي واكره اللي تقول آمين!!!!

هذا حال الاغلب هنا
زوجي خاين..صدته مع ست بنات بغرفة نومي.. صدت عنده كاندوم ومستعمل وفي حمامي.. لقيت قميص نوم مو لي تحت مخدتي .. هالزوج الخاين اللي فيه وما يخطيه ..
نرد عليها انها زاني محصن فتطلقي تجينيا طايرة ألفين تبغين تخربي بيتي يا مخببة
هذي نزوة
و راضاني بطقم ذهب والحين احنا بالمالديف نجدد شهر بصلنا :surprised
طيب ليش تتشكين
ليش تنرفزينا معاك
دامك راضية بالذل ومنطمة

الثانية.. زوجي ابو عيالي تفل علي و كسر يدي وفقع عيني و علقتي مع المروحة وشغلها على اربعه بعد ولعن والدي والديني..شسوي يا اخوات انا منهارة
ونفس الموال ما نتعلم ولا نأخذ دروس من الماضي
نفزع ونطق الصدر ونعطي حلول ونخليها على الاقل تهج من موجة العنف الاسري لبيت اهلها
ترد بعد سبع صفحات وخمسمية رد.. راضاني حبيبي و وعدني ما يمد يده رجاااء لاحد يدعي عليه ولا على يده الحبيبة بالكسر
بسم الله عليه فديته وفديت اليد اللي مكفختني بحنان

اختي العلة الزوجة: انكفختي انلعنتي انطردتي رجاء من قلبي لا تكتبي موضوع وانتي خايفة لاندعي على من ظلمك واستقوى عليك
لا تدعين علينا اللي نصحناك ادعي على نمر بن عدوان اللي غيّر ملامح وجهك


من اليوم اعلن اعتزالي لمواضيع الازواج والتكفيخ
:laugh2:


الى لقاء قريب :heart: