ادمااااااااااااااااااااااااااا ااااااااااااااااان على ورق عنب كيف؟

بنات اول ماجاني ولدي رشود الله يحفظه من 9 شهور جابت لي وحده ورق عنب وهي صديقتي الجديده وكانت مزعجتني تقول اذا ولدتي بجيب لك ورق عنب واضحك عليها شمعنى ورق عنب قالت خليه من ظمن الاطباق الخفيفه اللي تقدم للناس قلت يمكنها المره مجتهده
المصيبه انه خلص بعدها ب3ساعات فقط لان كل من دخل عندي قام يغرف ويقول والله لذيذ والمصيبه انهم كل من ذاقه قال وين شاريته منه
المهم بختصر عليكم واقولكم الطريقه لاني سويتها
المقادير:برطمان ورق عنب العلالي فاخر
الحشوه:رز مصري مسلوق نص استواء كوب او كوب ونص حسب الحاجه
طماطتين مقطعات مكعبات صغااااااار
مكعب ماجي وممكن اكثر اذا احتجتي ++ذوقي++
كزبره مفرومه نص ربطه
بقدونس ربطه
فلفل اسود رشه

طبعا هنا توقفين وقبل تلفين ورق العنب بشوي تغلين ماء حاااااااااااااااااااااااااااااااااااااااار وتفكين ورق العنب وتدخلينه فيه بس 5 دقايق او اقل عشان مايذوب وتتوهقين ماتعرفين تلفينه لانه لو طول يتقطع ولكن هالحركه تخليه يصير لسرع بالطبخ والحشوه تشرب الصووووووووص
تلفين ورق العنب ولو لاحظتي ان بعض الورق كبار كادي قصيها نصين واستخدمي كل وحده كانها ورقه لحالها عشان ماتوهقين ويطلع ورق عنبك كانه بطاطين عزابيه خخخخخخخخ

المهم نجي للصوص
علبة صلصة العلالي القزاز
2مكعبات ماجي
طماطه كبيره تغلينها وتقشرينها
عصير14 ليمونه واذا ماتحبينه حامض خففيها
فلفل اسود
كزبره مطحونه ناشفه
شوية بهارات
شوية ملح
فنجال زيت

تصفين البطاطس المقشر والمقطع دوائر فقعر القدر وتصفين ورق العنب وحطي الصوص وانتظري لين تحسين الصوص ماباقي منه الا شوي طفيه وانتظري يبرد واقلبيه
وتشوفين لوما انجنو عليه


ملاحظه اخو زوجي مايعجبه ورق العنب :09: ويقول دايما كيف ياكلونه ما ادري الله يديم النعمه
من يوم ذاق ورق العنب عندي وهو منهبل عليه لدرجة انه طلبه مني مره ووداه للدوام وكل الموظفين يقولون له بسرعه تزوج مانبي حلاوة العرس نبي ورق عنب خخخخخخخخخخخخخخخخخخخ:icon28: :icon28: