@ الصادقه @ @alsadkh_4
عضوة جديدة
ادمان+خياااااااااانه+طيبه زايده؟؟؟شوفو قصتي وشورو علي
السلام عليكم....كيفكم بنات *****الله تكونو بألف خير انابصراحه قصتي تحيييير ومو عارفه وش اسوي انا امرأه ماشـاءالله شديدة الجمال والحمدلله متزوجه من 5 سنوات وعندي ولد وبنت الله يحفظهم المهم مشكلتي اني تزوجت زوجي وانا ماحبه بعد الملكه لما كنت اكلمه حسيت ان تفكيره مو زي تفكيري ابدا كان كل كلامه عن الشغل وعن اهله وعن اخوانه ماعنده رومانسيه ابدا ولا يعرف رسايل الحب ولايعرف شي قلت لامي مااااابيه ماني طايقته قالت لا عيب الرجال مافيه شي غلط المهم تزوجنا والله العظيم من اول يوم اقسم بالله اول ماوصلنا الشقه على طول لبس قميص نوم وجلس عند التلفزيون وانا غيرت وجيت جلست بعيد وشوي قال يالله ننام ونمنا ولاحاول يقربني نهااااااائيا جلس كذا 4 ايام كأننا اخوان حتى بوس مافيه المهم مرت الايام وصار الوضع عادي وانتهينا من ذيك الشغله بطلوع الروووح ومرت الايام والشهور هو طييييييب معي وينفذ طلباتي ومهتم فيني بس كن فيه حركات غريبه زي الحركه الزايده والمشيه الغريبه والتبسم الزايد حركات ماتدل على الرجوله والثقل ماكان فيه شهوه زي الرجال ولايعرف الرومانسيه حتى لبسه وثيابه كانت قدييييمه يعني ماقال بتزوج لازم افصل ثياب جديده وملابس داخليه جديده لا ماكان يهتم بشكله ابدااااااااااا ولايحلق الا كل شهر مره يمكن وحتى الله يكرمكم الاماكن الحساسه مقرررفه وريحة فمه كرييييييييهه وغريبه بديت اعلمه واتضايق من تصرفاته واقوله فصل ثياب اهتم بشكلك زي مااهتم بنظافتي وبشكلي اهتم لي وكون نظيييف المهم هو كان يدور كيف ينفذ طلباتي ويسكتني ويكسبني المهم استمرينا في مشاكلنا عدم الرمانسيه وعدم النظافه قلة الشهوه عنده الين صار غندي بنت وولد وهو مو عاجبني لابتصرفات ولا بأي شي اللهم نه كان ينفذلي طلباتي السوق المطاعم التمشيه بس ماكنت مبسوطه وش الفايده وانا ماحسه زوج حتى اقعد عند اهلي بألشهور عادي ماتفرق عنده يفرح اذا قلت بسافر لاهلي كنت اتمنى مره يقولي لا لاتروحين ماقدر على بعدك المهم بعد فتره تهاوشنا على اني جيت من عند اهلي طولت عندهم وماكان مشتاقلي مره مع ان مو ناقصني شي والكل يحسده علي بس ماكآاني غبت عنه بالعربي مو مشتاق للفراش معي يعني يجي مره وبدون نفس ويقعد بعدها اسبوع او اكثر عادي عنده المهم تهاوشنا كثييير في الاخير قال انا اتعاطى حبوب الكبتاجون بس تركتها وهي يمكن اللي مسببتلي برود انا انصدمت بس حاولت استدرجه بالكلام عشان يقول بعد وش كان يسوي عرفت انه كان يشرب والحبوب كان ياخذها بشراهه بس يقول عادي ترى اي واحد ياخذها لاتحسبيني مدمن وبعدها عرفت سببب حركته الكثيره ونظراته الغريبه ومشيته والحكه الزايده اللي فيه المهم قلت لاخواني ماقدرت اسكت لانه عدها مد يده علي قالو احنا ندري من زمان وهو ياخذها بشراهه وبعض الاحيان حشيش مع اانه مايدخن بس ماكنت ادري عنه فعرفت عشان كذا كان يبي الفكه مني المهم زعلت فتره ورجعت بعد ماحلفلي على القرأن يتركها بس انا حاسه انه ماتركها من حركاته اللي قلتلكم عنها ونومه الزايد الحين طلعت مصيبه جديده الا وهي الخيانه كنا عند اهلي وكان يستخدم جهاز اخوي اكتشفت ان له ايميل ثاني يكلم بنات عليه ويشوفهم كام ومن المحادثات عرفت ان له جوال ثاني رحت بكل هدؤ سألته انت لك ايميل ثاني قال لا انا مستحيل اسوي هالشي انا اخاف على بنتي وانا احبك ووو قلت احلف على القرأن المصيبه الاكبر انه حلف انا ماقدرت استوعب انه فاجر لدرجة انه يحلف كذب ويوم جبت الجهاز ووريته المحادثات انصدم وارتبك قال ايه الايميل لي وانا بس اتسلى والرقم بعته طبعا كذاب قلت له قوم اطلع برى ولا عاد اشوفك في حياتي تخيلو اخذ اغراضه وسافر حتى ماسلم على اهلي ولا ابوي وامي ولي الان اسبوع ولافكر يعتذر حتى برساله مطننننش انا ناويه اطلب الطلاق لاني مليت من عيشته الممله وحركاته البايخه زي حركات المجانين وحلف على القران كذب وهذي مو اول مره مع انه يصلي وفقره وعدم اعطائي حقوقي كزوجه واهماله لي اخولاني واقفين معي يقولون هذا مو رجال وامي تقول دامه طيب معك ولايسويلك مشاكل ولاينكد عليك خلاص عادي قلت طيب معي لاغراض ثانيه وعشان ماسبب له مشاكل واعكر صفوه بس انا اكرهه ماقدر اسامحه على كل هذا انا الحين عمري 22 بس احس اني عجوز خلى حياتي ممله ماعيشني عمري ماعاد اثدر اثق فيه نهااااااااااااااااااااااااااائيا وش تنصحوني شورو علي بكل صدق الله يجزاكم كل خيييييييييييييييييييييييييييييييير
17
3K
يلزم عليك تسجيل الدخول أولًا لكتابة تعليق.
الله يفرج همك يارب حبيبتي امك تدري انه مدمن وتقولك ارجعي ..؟؟
صعبه هذا مدمن خطر حتى على بنتك .. ماله امان .. الله يشفيه ويهديه ..
مدري وش اقولك بس انتي استخيري وشوفي ربي وش يكتب لك .. لان الوضع صعب هذا ادمان ..
طمنينا عنك حبيبتي .. والله شلت همك
صعبه هذا مدمن خطر حتى على بنتك .. ماله امان .. الله يشفيه ويهديه ..
مدري وش اقولك بس انتي استخيري وشوفي ربي وش يكتب لك .. لان الوضع صعب هذا ادمان ..
طمنينا عنك حبيبتي .. والله شلت همك
الصفحة الأخيرة
اتعوذي من ابليس واستغفري ربك كثير وادعيله بالهدايه حرام عشان اطفالك
والله بيتعبو ويتشتتو بين الأب والأم
الجأي لربك
وطنشييييييييه انتي بعد وانسي وجوده خذي طلباتك واشغلي نفسك
الله يصبرك والله عيشه قرف انا اصغر منك بسنتين وشفت اكثر منك بس الحمدلله لحقت ع نفسي قبل لااجيب اطفال
وربك كريم استخيري والخيره فيما يختاره الله