ادماني للاحلام اليقظه

سلام ورحمه
يااابناات مااعرف من وين ابدا انا في هم وغم
تعرفون اقسى شعور؟؟لما تبي تتحكم في نفسك بس ماتقدر تحس انك مجبور تسوي شي انت ماتبيه
هذا قصتي مع الاحلام اليقظه
انا من لما كان عمري 12 تقريبا في بدايه بلوغي بدت لي الاحلام ليقظه بشكل كبير جدا
استمرت معي طول هالسنين حاولت اتركها كثير اثرت فيني وفي دراستي وفي كل شي واهلي يفكروني مجنونه
ابوي الله يرحمه كان يبيني انجح واتفوق بس مشكلتي مااقدر اذاكر طول لوقت اتخيل وانسج قصص من عقلي عادي على اي شي وكل مره قصه جديده
بكيت وتعبت كثير بس ماقدرت اتغير وحتى انه بدت تجيني وساوس انتحر عشان افتك منها ...وخفت كثير خاصه لما سمعت انها تسبب هلوسه
رحت للعياده نفسيه قلت لهم مشكلتي ردت علي الدكتوره وقالت الاحلام دي طبيعيه جدا وعلاجها التركيز ......
اصلا انا غاسله يدي من دكتوره من اول ماشفتها..ز لاني اول مادخلت العياده لقيتها بوجهي وقالت لي انتي من اسمك ؟؟قلت لها ليش قالت انتي تعاني من انفصام في لواقع ....قلت لها هذي اول زياره لي وتوي دخلت لعياده بسم الله توني ادخل من لباب قالت اها ومشت
ولما دخلت عندها لمكتب قلت لها ان اي شي او اي حاجه اسويها لازم اتخيل حتى لوشربت كوب مويه لازم تصير معي دراما مع هذا لكوب بعقلي
للاسف مااقدر اروح اعالج عند عياده نفسيه مره ثانيه اهلي مايعجبهم ابدا ومنعوني بعد اخر مره ماعجبهم لموضوع ابدا وانغلق ملفي
بنات ارجوكم لللي عندها حل الله يفرج عنها الهم والغم والكربه
تقوله لي
لان الاحلام ذي وربي طفشتني خلاص احس مستقبلي بيضيع ...احس اني مثل مايقولون فاشله ضاعت دراستي ورسبت سنتين حاليا لمفروض اكون متخرجه من لمدرسه
بس اختكم تحب ترسب كثير
للعلم الكل يقول عندي ذكاء كثير كل لمعلماتي يقولون كذا بس مشكلتي ماااعرف اذاكر ابدا منها ولاعرفت ايش سببها ولاكيف احلها
وفيه ملاحظه بعد(تراه حتى اختي اللي اكبر مني هي بالجامعه بس نفسي عندها ادمان الاحلام اليقظه لايكون لموضوع وراثي ؟..
بنات طلبتكم تكفون ردوا علي ولو بالدعاء تراه دعوه الغريب مستجابه
الله يرزقكم الذريه صالحه
مسقبلي بيروح وماارح اقدر احقق رغبه ابوي الله يرحمه ولاافرح امي ولااثبت لناس اني مو مجنونه او اني قادره انجح