ادور بدائره طلعوني منها

السلام عليكم
انا ادور وابيكم تدورون معاي

انا تزوجت بعيد عن اهلي ,,وتعرفون كااي واحده متزوجة وخاصة اذا كنت اول واحده متزوجة واخواتك اصغار وماعندك حريم اخوان بالبيت اكيد بتكونين على نياتك بسوالف الحمولة :35:
السالفة لاتطول انا تعودت اي شخص يبي مني شي اتحمس وطبعا حمواتي نبي ملابس اخذو نبي صحون تفضلو جيبي الحلا الفلاني ابشرو واحيانا مايطلبون انا اتلقف اذا صار عندهم مناسابت ولا شي انا ارز وجهي
طبعا الي اسويه علشان زوجي واحيانا علشان انا طبعي فزعه حتى مع الي مااعرفهم

لمن جيت بيتهم احنا ساكنين مع بعض كل من شقته الحاله لقيت حريم اخوانهم بجهه وهم بجهه (اقصد حمواتي)
وانا كل مرة احمل جهه خطأ اقول مايعرفون يتصرفون مع بعض واحيانا اتذبذب بين هذولا وهذولا طبعا بدون ماازعل احد على الاقل هذا الي اشوفه ,,
واخر شي سويته ايام الاختبارات درست بنت حماتي ,,الي حصل هم دايما يسون عزايم ببيوتهم حمواتي ومايعزموني
امس حماتي سوت عزيمة غداء وتخيلو انا مرسله لها اغراض وتحفيات ,,ماكان هامني بالبداية بس جتني مكالمة المغرب حماتي اقصد اختها تقول تعالي انزلي لمن نزلت لقيتهم كاشخين قلت بتطلعون قالو لا تونا جايين من عزيمة الغداء قلت ماشاءالله وفلانه جايه هي وعايلها قالت ايه (انا قصدي يمكن مايبوني علشان عيالي )
طيب انا ماراح اذكر سلبياتهم وحركاتهم واذا جيت يخبون الشوكلاته وعمررررررررررررررررررري مانزلت الحالي قالو تفضلي على العشاء والله عمري الا اذا كان في جمعه ولا حطو حلا ولا شي الا نادر انا متزوجه من اربع اسنين احده من حمواتي مادخلت بيتها الا اربع مرات والثانيه الي سوت الغداء لا مره اعزمتني ولا شفت بيتها
وعلى فكره انا دايما اعزمهم بيت اهلهم لان خالتي ماتقدر تصعد ولاتبي نخليها لحالها.......طبعا هاذي نقطة من حركاتهم


الدائرة الي انا فيها الحين كالتالي:
تعودو علي طيبه وكريمه انا مااعرف اقلب فجاءة ولااقدر اتناقش معاهم لان ماعندهم اسلوب وكل شي يفسرونه عداوة
ابي اتصرف معاهم بطريقة انا ارتاح بدون مااصير نذلة لاني افكر لبعيد وانا عارفه الزمن راح يتغير واني باذن الله راح اطلع من البيت ماابيهم يقولون عني طست ارتحنا منها فهمتوني ...
وكيف اتصرف اذا اطلبو مني شي ,,والشي الثاني حريم اخوانهم كم مرة يحذروني منهم وانا اطنش يعني الحين راح يشمتون فيني شر شمته

رجاء ماابي تهزئ تراني حامل ونفسيتي تعبانه.....