ادوس على كرامتي واروح او ابقا على موقفي واتعذر؟؟

قوة بنات انا قصتي طويلة عريضة بقولها لكم باختصار...

اتمنى اني اقدر اوصل المشكلة لوحده منكم وتعطيني الحل
مشكلتي باهل زوجي اااااااااااااااه تعبت منهم خلاص ما عدت اطيق منهم شي تعلمت الكره منهم اعوذ بالله
مشكلتي اني اخاف اواجه ولو واجهت ما اعرف اتكلم وانسا كل اللي ابي اقوله واسمعهم وامشي بقهري
تزوجت من 3 سنين ونص زوجي من بلاد وانا من بلاد ثانية اول الايام كانو اهله عاديين جدا ما كنت اعرفهم عدل طبعا العشره اهي اللي تبين طبايع الشخص

المهم..مرت الثلاث سنين دون ان انجب ولله الحمد كل تاخيره فيها خيره ضليت الف من مكان لي مكان ما خليت دكتور ولا مطوع ما رحت له وكلن يقول لي شي ..في هالفترة ما وقفت المشاكل مع اهل زوجي يحاسبوني على كل شي امه من صوب وخواته ماشالله 5 من صوب كلن يعقر ويحب نفسه ويقط كلام وانا من النوع اللي ما اعرف ارد قاطعتهم باول سنه وقامو يسالون ليش مقاطعتنه قال لهم زوجي منكم ما تعاملونها عدل رديت نزلت نفسي وتصالحت معاهم ردت المشاكل والكلام حتى على اللقمه يحاسبوني قطعتهم خير شر حتى ما قمت اعطيهم وجه لو شفتهم بمناسبة قاهريني ومحد يحس فيني الا انا نفسي لو شكيت لاهلي بيهونون علي وبدافعون عنهم علشان ما تكبر المشاكل,,,

من خباثتهم تمو ينبشون يمين يسار لين لقو لي تهمة يفرقوني بها انا وزوجي حسبي الله على الظالم
واتهموني اني ساحرته واني رابطته من العيال اللهم لك الحمد احد يحرم روحه من العيال ما قط شفت؟؟
المهم كبرت السالفه ودخلت علي امه تبي تقطع من شعري انه بتوديه للشيخ اللي قال لهم اني ساجره ولدهم وهاذي سالفة السحر ماهي الا عذر علشان ولدهم يطلقني طردتنا ا مه من البيت وقالت يا انا يااهي اذا تبي ترجع البيت طلقها ..حسبي الله ونعم الوكيل ظالمة
وانا انهارت نفسيتي بس الحمد لله زوجي تمسك فيني وقال لهم انا بطلع من نالبيت مع زوجتي ورحنا وقعدنا بشقة وذلينه نفسنا للي يسوا واللي ما يسوا لان الوقت هذا ما كنا حاسبين انه بتصير مشكله وبنحتاج فلوس...

جه ابوه لنا واقنعنه انه نرد البيت وان ههذا البيت بيته اهو ومالها حق تطردنا لاي سبب كان وانه يحبني انا وزوجي وما يبي مشاكل..دست على نفسي ورجعت ا لبيت بس الحمد لله انا معاهم بنفس البيت بس ملحق خارجي

رجعت الحياه عاديه مع زوجي بس انا منهارة ومو قادرة اصدق اللي صار فيني اهانات ومذله وطرد اش هالزواج بس لو مو زوجي طيب ووقف معاي كان انهرت وتركت الدنيا باللي فيها
والحين بعد ست اشهور من هالمشكله انا حامل ولله الحمد مالي خص فيهم ولا لهم خص فيني اروح واطلع ولا كاني موجوده بس المشكله الحين ان ابو زوجي كلمني وطلب مني طلب صعب انا مااقدر انفذه اني اروح لزوجته اللي اهي ام زوجي اللي ذلتني واهانتني واتسامح منها واقول لها حقج علي انا غلطانه حتى لو ماكنت غلطانه وانا صعب اقوم بهالخطوة صعب القلب شايل اللي سوته فيني مو شوي
انا احترت وما اقدر ارد له طلب شاسوي محتاره تشاورت مع زوجي قال لي اللي تشوفينه يريحج سويه وابوه يقول انا ابي اشوف لمتكم واشوف حفيدي ولدج يتربى بينه ومابي مشاكل

تكفون شسوي؟؟؟محتاره