ادوية النفاس

والله ياقلبؤ انصحك ماتخبصين ومو كل دواء له فايده اهم شيء واحسن شيء تنتبهين للنقاط الاساسيه وهي كفيله بعد الله ترد لك صحتك وعافيتك وهذا من خلال تجربتي انا من كثر كل حمله كنت اتبع نظام وتتعب معدتي والقولون يلتهب والغازات تتعبني قررت بولادتي الاخيره اتبع نظام خفيف ولا يعتمد اعتماد كلي على ادويه النفاس هذي اللي تضرك ولاتنفعك اذا زادت عن حدها ..وانا سببت لي حتى المراره ..


وخذي نصيحتي بها الاشياء افود واصح لك ..
1 _ عليك بلبس اللبس الثقيل الدافي اللي يغطي صدرك وظهرك والاهم لبسي بنطلون خصره عالي والشراب ما ينزل من رجلك الا لمن تتسبحين وتستبدلينه ..
2_ عليك بالاكل الدافي واللي يخيط الرحم واحسن شيء خلي فطورك مثلا اكلات شعبيه بس ماتكثرينها يعني ماتشبعين ولاتقومين جوعانه مثل العصيده مع شوية حبة سوداء او القرص بالسمن او مصابيب بالسمن والعسل الاصلي وشزية حبة سوداء والحليب سوي لك حليب حطي عليه اهم شيء الحلبه شهر كامل ماعليك من كلامهم مايشد حيلك ويعوض اللي نقصك بالحمل بعد الله الا هي ويفضل حب عشان ماتصير ثقيله على معدتك ..ولو حطيتي معها شوية ماش اخضر وزنجبيل ما يضر بس لاتكثرين وتحطين ادويه بالحليب وبالاكل يا الاكل يا الحليب والافود الحليب ..
3_ الصبح ع الريق اخذي لك ملعقة صغيره جدا والملقعه الصغيره جدا بس حطي على راس الملعقه شوية رشاد والهميه لهوم مع شوية مويه دافيه فقط 15 يوم او 20 يوم الاولى وتراها تشد الظهر وتشد حيلك وتساعد على تفادي الامساك اللي تتعرض له الوالده ..
4_ الغداء حطي لك مرقة لحم وشوية خضار وعليها شوية فلفل اسود وكمون وما تكثرين الحوار عشان ماتتعرضين لمشاكل المعده وتذكري الفايده مو بكثرة الكمية الفايده بالقليل ومفيد ولا كثير ويضرك ومع سلطه ولكن ابتعدي عن الخضار اللزجه او الموز او بالسلطه شيلي الخيار والطماطم خليها اغلبها ورقيات مثل خس ملفوف وبقدونس وجزر يعني افضل لك ولذا حبيتي حطي معه رز ابيض او خبز بر مفيد وتساعد على رجوع صحتك وبنفس الوقت ما تطلعين من الاربعين كنك بالون منفوخ يعني حصلتي ع الفايده افضل من بالونه تعبانه وظهرها يعورها وتعاني من مشاكل الارحام .
5_ والعشاء نفس الشيء بغيتي شوربه او مرقه او حتى شوية اكل بالبر بس ماتكثرين بر اذا فيك قولون


6_ والعصريات سوي لك شاي اعشاب مفيد للغازات ولإنتفاخ البطن ويدرر صدرك مثل تحطين شوية كمون ويانسون وشمر ونعناع


7_والمغرب سوي لك دلة قهوه او قشر وحطي عليها نونخه وكمون ويانسون وشوية زنجبيل وقرفه وشمر .. واكلي عليها تمر معبوط بالسمن واذا تبين بعد صحي لاتحطين سمن حطي زيت زيتون وشوية دخن ما ادري اذا تعرفينه وشوية حبة سوداء تراها مفيده مررره


8_ اهم شيء حاولي ماتجوعين وبنفس الوقت ما تخبصين بالتكل وخلي اكثر اكلك سوايل ولو حتى بالاسبوع الاول جيبي لك عصاير طازجه تراها مفيده بس ابتعدي عن الحوامض ..


هذا اللي يحضرني وهو مجهود شخصي ومن تجربه شخصيه وارتحت عليه لأني اعاني من القولون ومعدتي تتعب اذا حست بها الخلطات اللي بعضها والله ماتدرين وش تحط لك فيه اخذيها انتي من عطار وسويها انتي انظف وعلى نظر عينك وان شاء الله تفيدك ولاتضرك واللي تبي تنقله او تتداوله بين المنتديات او الواتس او اي مواقع تواصل اجتماعي اهم شيء تنسب لي جهدي واتمنى من اللي تستفيد منه تدعي لي وربي يبارك لي وبعيالي ويصلح شأنهم لعل دعوه من احداكن تبلغ عنان السماء وربي يتقبل دعوتها لأختها في ظهر الغيب ..


أم غدوووتي ❤

انا لي فتره بسيطه من طلعت من النفاس اول عشرين يوم كنت اشرب حلبه ويانسون..تدر الحيب مرره..علمن الحلبه ماتسمن لو انخلطت مع عشبه ثانيه..وتنزل الوسخ من الرحم ومهديه مررره تمام...زايد قرفه
ال٢٠يوم الاخيره رشاد يامع التمر معبوط وسمن وحبت البركه او مع الحليب يريح الجسم مستقبل يعني بعدالاربعين من الم الظهر ممتاز
وبث

ايه صح الخمسه الايام الاخيره اغلي قشر الرمان واشربي صح طعمه مررر بس يضيق

قشر الرمان في ال٥اياام الاخيره يضيق مررره