السلام عليكم
كيفكم جميعا
قبل لاكتب الادويه اللي خلطتها بقولكم ان ادويتي اغلبها من مواضيع الاخت قشر قهوه
طبعا انا جهزت الادويه على حسب ما استفدت منها واتمنى ىتشرف موضوعي هي وكل ذات خبره
علشان يردون على استفساراتي
طبعا جهزت الادويه في علب طحنت اللي يحتاج طحن والي مايحتاج خليته على حاله
العلبه الاولى عباره عن علبة الطبخ وهي عباره عن (رشاد وماش وحبه سوداء)طبعا مثل ما فهمت انها تستخدم
طوال النفاس تضاف للاكل المرقوق والمرق وتكون صحيحه بدون طحن
سؤالي الماش مو قاسي وياخذ وقت في الطبخ مايصير اطحن المقادير؟؟؟
وعندي سؤال كيف في الدواء رشاد والكل متفق انو الرشاد مايوخذ غير في الايام الاخيره؟؟
ونفس النقطه لتمره النفاس يقولون كلوها طوال الاربعين طيب والرشاد ؟؟؟
العلبه الثانيه علبه السفوف ومقاديرها (حلبه وكمون وشمر وفلفل اسود وحبه سودا وماش)
وسفوف الايام الاخيره نفس الشي بس بدل الحلبه محلب
ومن اليوم 35 تستخدم الخمس فناجيل
وعلبة الشاي تحتوي على (دارسين وفوه وقيصومه ويانسون وقشر قهوه)
وحمصت قشر قهوه وطحنته وسويت له بهار عباره عن كمون ونانخه او نخوه
المنقوعه للاسف ما لقيت عند العطار اللي رحت له مقاديرها
سؤالي يصير اكتفي بمنقوع المره؟
طحنت فلفل اسود مع حلبه علشان ارشه على الاكل استخدمه ولا اكتفي بالموجود في السفوف؟
الكبو مالقيت كل مقاديره بس حطيت (قشر بصل ومحلب وفلفل هواء وحبه سودا ومره)
واللي فهمته انه للعشرين يوم الاخير يوم ورا يوم صح ولا لا؟
الغسول للايام الاولى بيكون ماء وملح وشويه مره
اغلب البنات يقولو المره مو زينه اول الايام لوكان فيه جراحه وخيوط بيشدها
وغسول الايام الاخيره بيكون ملح ومره وقشر رمان وارطاء
الارطاء ما لقيته الا مطحون والاغلب يقولون ان المطلوب اعود
سؤالي يصير استخدمه مطحون؟
وووووبس يالله انك تقويني وا ستخدم كل هالاعشاب ودعواتكم لي يابنات اقوم بالسلامه انا وجنيني
وختاما الله يجزي كل من بتفيدني كل خير
ان سكتنا قهر @an_sktna_khr
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
سبحان الله وبحمده سبحان الله العظيم..