اذاكان عمل زوجك يتطلب السفر ومريتي بهالموقف وشبتسوين

قصتي يابنات مع سفر زوجي لو اخذ كل صفحات المنتدى ماتكفي بختصرها لكم زوجي دائم السفربحكم عمله وانا في بداية الامر ماتقبلت فكرة السفر خارج المملكه لاكن الان تعودت ومابيدي حيله بس فيه دولتين مااحبه يروحلها من كثر ماشفت منها لاني لقيت اشياء تدل على شغفه وحبه لها والدولتين هذي معروفه بالفساد وهي دول عربيه المهم يابنات صارتلي مشاكل كثيره وطلعت من البيت بسبب سفره للدولتين هذي مع العلم انه يقدر يعتذر اذا يبي عن السفر للدول اللي قلتلكم المهم من بعد كثر المشاكل بيننا صار اذا جاته سفره لهالدول يخبي علي ويدعي انه مسافر لدوله ثانيه وكل مره اكتشف انه يكذبوكم مره تصير مشاكل بسبب كذبه المهم يابنات من كثر المشاكل في الاونه الاخيره صار يخفف مايروح للدول اللي قلتلكم وامس فجاه جا وقال حظري شنطتي بروح للدوله الفلانيه وهي من الدول اللي انا مااطيقها انا بصراحه انذهلت ماني قادره احدد موقفي احسه حطني امامالامر الواقع ماني داريه ارضخ وارتب الشنطه ولا اسوي مشكله والى الان وانا بحالة ذهول وكنت اتمنى انه مثل كل مره يخبي على اتمنى انكم فهمتو قصدي يعني خلاني احس اني ماني قادره اقول لا وان هذا عمله وبكل ثقه يتكلم وحسيت ان احد قايله سو الطريقه هذي معها ووقت انه قالي حظري الشنطه قلتله انت عارف موقفي من هذي الدول قالي انا والله رجال مثلي مثل الرياجيل جاني عمل وبروح الحين شورو علي هو الحين سافر وشسوي اذارجع وكيف اتعامل معاه والدول اللي قلتلكم عليها وحده منها تونس تكفون شورو علي قبل يجي ابي شور حكيم