اذا اجتمعنا عند اهل زوجي

ابي ردود عقلانية جدددددددا
انا عندي طفلتين الله يحفظهم وحدة عمرها 3 سنوات والثانية 5 سنوات
وسلفتي عندها ولدين فوق سنة ونص.. طبعا شايفة نفسها لانها جابت عيال .. انا ماهمي هذا
العيال احبهم قبل و اشتهي عليهم مررررة وكم مرة اخذههم
الحين وقت الجمعه اذا البنات جابوا معاهم العاب .. على طول عطيها العيال هالكلام من ام الزوج ويلعبون فيها العيال وتلعبهم فيها امهم واذا طفشت وطفشوا حذفتها على الارض وقالت مانبيها وتاخذها بنتي الصغيرة .. اخر مرة بناتي مسكوا لعبته وجلس يناظرهم عاديو.. فزت امه و قالت رجعيها رجعيها بدفاشة ..بنتي رجعتها وهي تبكي
مشكلتي بنتي الصغيرة حساسة واسلوب امهم دفش وانا ماحب اتدخل بين الاطفال خاصة ان العيال صغار وبناتي يحبوووونهم جدا و يحبون يلعبونهم .. لكن بهالاسلوب تكسر البنات وتكبر راس ولدها على حساب بناتي. اصلا الوضع طبيعي بناتي يموتون بالعيال ودايم يعطونهم العابهم .. مو لازم ااحد يتامر عليهم .. لكن امهم لعبتنا ولعبتنا .. مافي شي يستدعي .. طبعا استحي اتعامل مثل اسلوبها واخذؤلاللعبة من العيال واعطيها البنات لانهم صغارر واستحي جددددا اتلقف.. هي معتبرة بناتي عجزززززززز .. لاتقولون الموضوع تافه بس ابي استفيد كيفية التعامل في مثل الجمعات وترى انا خجووووولة للاسف .. وما احلل تدعين على احد
وجزاكم الله خير
تدرون مرة شرت بنتي الصغيرة لعبة جديدة وتبي توريهم وجابتها والولد عمره كان 7 شهور خذتها ام زوجي وقالت بنتي لاوبعدين يسعبل عليها .. بعدين اخذتها بنتي منه قامت ام زوجي تقول جيبيها والبنت قامت تتعذر بعدين بيخربها .. وانا اقول لعمتي خلي لها لعبتها اذا ماتبي وام الولد مرخية راسها وعطيه عطيه.. بالنهاية خذتها عمتي ببالغصب وعطتها الولد والتهت البنت ونسيناها وخذوها معاهم البيت ورجعها اخو زوجي قال وش درى ولدي عنها اصلا .
طبعا الوضع بيننا شبه صديقات و لا ابي هالمواضيع تخرب العللاقه ..والمشكلة فيني ماعرف اتصرف و لا ابي اقلبها هوشه