انا احب السلطات بس مشكلتي لي مزاج بالسلطات صعب ارضائة>> احلفي:22:
يعني اذا قمت افرفر بالمنتدى بقسم السلطات يا المقادير ماتعجبني او الصوص مايعجبني فقلت مافيه الا اشمر عن ساعدي :angry2:واسوي سلطة على مزاجي وللامانه اعتمدت في اختراع هالسلطة على كتاب اطباق النخبه بس خذت من كل سلطة شي لين حصلت على هالشي القميل :09: من جد سلطة حلوة وراقيه انا سويتها لي غداء ويكفي انها صحيه مو دسمة يعني الدريسنق حقها مافيه بربسه ودسم وخلطات جاهزة لا كلها اشياء صحيه ولذيذه وهذا اهم شي شوفوا الصورة
عاد انتم تفننوا بشكل السلطة يعني صفوا الخبز بشكل مرتب مو حوسه مثلي لاني قلبت الخبز المفروض الزاوية الحادة للمثلث من فوق والعريض من تحت يطلع شكلها مرتب وحلو زي شكل الوردة بس انا نسيت وعكست مثلثات الخبز
نجي للمقادير
خيار مقطع قطع رقيقه
فلفل ملون اصفر واحمر مقطع مربعات صغار
خس امريكي ان وجد اذا ماعندك استعملي خس عادي بس خودي نص حبه الخس الجزء الابيض يعني النص الثاني الي ورق اخضر لاتحطينه
جزر مبشور وزيتون اسود شرايح وذرة
معكرونة صغار مسلوقه
ونجي لاهم شي
1_صدور دجاج مقطعه قطع صغيرة تبليها لمدة ساعة بالخلطة التاليه ( زبادي وملح فلفل اسود عصير ليمون ) ثم احمسيه على نار عاليه واذا بدى ينشف من خلطة الزبادي حطي عليه شوي زيت زيتون واحمسي ثم سكري على النار
2_ بطاطس قطعيه عيدان نحيفه مرة واقليه لين يستوي ويابس عشان يطلع مقرمش
3_ خبز عربي قطعيه مثلثات كبار شوي مثل الصورة ثم امسحيه بزيت زيتون ثم بزعتر يفضل احمر اذا مافيه اخضر مفيش مشكله ودخليه للفرن يتحمص لين يصير يابس
وبالنسبه للصوص اللذيذ والخفيف هو علبة زبادي وملعقة طحينه وملعقة مايونيز وملعقة لبنه وملح وزيت زيتون رشه سماق وزعتر واوريغانوووو وممكن اضافة فص ثوم مفروم او بودرة الثوم شوي) طبعا هالمقادير راح تضاعفينها اذا كانت كميه السلطة كبيرة
والحين حطي الخضار الي قطعتيها بصحن التقديم مع الدجاج والمعكرونة واذا جيتي تقدمين السلطة حطي نص كمية عيدان البطاطس وشوي من خلطة الزبادي واخلطيها ثم غطي السلطة بباقي صوص الزبادي طبعا الخبز المحمص بالزعتر مثل ماهو واضح بالصورة راح تصفينه على صحن السلطة واذا تبين رايي كسري باقي مثلثات الخبز المحمص بالزعتر وبثيها على السلطة من فوق لانها هي الي مميزة طعم السلطة وحطي
باقيي عيدان البطاطس على الوجه وبس صدقيني طعمها رهيب ولذيذه
ملاحظة مهمة : انا ماكتبت كميةالمقادير لان هذا يرجع لعدد الاشخاص وممكن تشيلين او تضيفين اي نوع حابته بس انا هالمقادير جاية على مزاجي وكنت حابه ابشر جبن كرفت واحطة مع السلطة بس نسيت بس اهم شي لاتحذفين الدجاج والبطاطس والخبز المحمص وترا اكثر شي مميز السلطة هو الخبز بالزعتر معطيها طعمممم حلووو مرة وبالنسبه لصوص الزبادي حاولي تكثرين يعني انا حطيت علبه زبادي وحده لان السلطة لشخصين بس وافضل انك تخلطين السلط بشوي من خلطه الزبادي وترشين عليه ليمون لاني ماحبيت الخضار تكون مترطبه وفيها مويه لان اكثر السلطات يكون شكلها حلو ومرتب لكن لما تجين تغرفين منها تلقين الخضار طالعه مويتها بسبب اضافه الخل والليمون بالطبقه الي تحت وهذا الي يخرب السلطات بس اذا اضفتي البطاطس والخبز والصوص اخر شي قبل التقديم بتصير السلطة فرش ومحافظه على قوامها ولو حبيتي تصلحينها من وقت قطعي الخضار واخلطيها وبس الصوص والبطاطس والخبز المحمص لاتحطينه الا قبل التقديم مباشرة ترى ماياخذ وقت وحتى البطاطس تقدرين تقلينه من بدري وتخلينه لين وقت التقديم ماراح يتغير او يلين لانه مو مربعات لا عيدان نحيفه يعني يابس ماراح يلين
المهم عزيزاتي اذا اعجبتكم السلطة ما اطالبكم بردود بس ابيكم تدعون لي ان ربي يسهل ولادتي واقوم بالسلامة ويرزقني بمولود حسن الخلق والخلق بس قولوا امـــــــــــــــــين
