اذا انتي مطلقه ابيك ظروري

السلام عليكم ورحمة الله وبركاته
مساءكم سعاده وتوفيق ويليها زواج ناجح باذن الله لكل مطلقه يارب
انا قريت ملف عن المطلقات وحبيت اشارك لاني مطلقه وحابه اقول لكم كلام بخاطري لكن لقيته مقفل فقلت اكتب موضوع
حبيباتي المطلقات انا اختكم مطلقه من 4سنوات والحمدلله على كل حال ونظلمت كثيييييير قبل وبعد طلاقي بداية انه طردني برا البيت وهجرني بدون سبب واهاني ونهاية بتشويه اهله لسمعتي ماخلوا شي ماقالوه عني والله يابنات حتى بعد ماتزوج طليقي وانخطبت تروح امه للناس اللي خطبوني وتشوه سمعتي ماتركتني بحالي على مدى 4سنوات ولانست مع ان الله يعلم اني نظلمت

خلاصة الكلام ان كنت دائما افكر دائما ضايقه دائما ادعي عليها احس اني تعبت تعبت جدا وراحت 3سنوات على الفاضي كلها هم وغم والحين دخلت السنه 4 وانا اصحى على نفسي قلت خلااااااااص يكفي اللي ضاع من عمري بديت اتقرب لربي بديت اقرء سورة البقره وبديت احاول استغفر وادعي قدر ما اقدر والله يابنات اني انخطبت خلال الاسبوع اللي فات مرتين والله العظيم مع ان اللي خطبوني ابدا ابدا مايصلحون بس سبحان الله حسيت اني كنت ظالمه نفسي صحيح يابنات نار الظلم تحرق واكثر شي يحرقني لما اشوف ولدي عمره 5سنوات ابوه مايدري عنه وهو عنده بنت وميت فيها ومدلعها على الاخر
لكن ارجع اقول الله اختارني من بين اخواتي لكي اكون مطلقه مع اني قسم بالله كنت اكثر وحده زوجها يموووت فيها والكل كان يعرف لكن لله حكمه
بنات تعبتكم حكيي واجد هههههه
المهم بنات انا انصحكم لاني حاسه بالشعور اللي داخلكم وتراني احس فيه بنات قربوا لله ادعوا الله استغفروا كثير ولاتحطموا انفسكم اهتموا بانفسكم اكثر واكثر لان الله كتب علينا هذا الامر قبل خلق الدنيا بسنوووات طويله فما فيه فايدة من التحسر على امر مفروغ منه اكيد كلنا تجينا لحظات ضعف ونقول ياليتني ماتطلقت وو ومو اننا حنينا للشخص اللي كنت معه لا لاننا لقينا صعوبات بعد الطلاق من الاهل ومن المجتمع ووووو الخ
بس بنات لازم نقوي بعض ونعلم ان الله اختارنا من بلاييين النساء وحرمنا من الاستقرار ابتلاء لنا ولحكمه يعلمها هو وخيره لنا وترا الله مهما حطك بوضه صعب جداقادر يساعدك مااحد راح يعوضنا ويساعدنا وييسر امورنا الا الله
واسئل الله باسمه الاعظم ان يعوضنا ويعوض كل مطلقه ومجروحه بافضل مماتتمنى وياخذ حقها ممن ظلمها ولاحول ولاقوة الابالله العلي العظيم