يخافون من العين

انا لو عزمت احد وسويت بوفيه واشوف المعازيم ياكلون مثل العصافير
بزعل صراحه وباخذ على خاطري يعني الحين متكلفه وحاطه الشوي والشويات ودافعه مبلغ وقدره وفي الاخير اتيكيت لا يا قلبي الاتيكيت خليه مع نفسك يقهرون صراحه لانها تحصل معاي دايم والله يطلعون من هنا والاكل للحارس ولا للصدقات على اني حاسبه الاكل على قدهم لاهو زايد ولا منقصه فيه طيب ما يخالف كلي خذي راحتك هاليوم واسحبي على الرجيم اللي يسمعك يقول كل يوم والثاني وانتي بعزيمه وبوفيه يعني ماعليه الواحد يقدر بعد اما اللي خلقه اكلها خفيف هذا كلام ثاني
انا والله اذا رحت عزيمه على ذبيحه او بوفيه اوكي اكل مو بشفاحه لكن اكل معتدل رد لجميل صاحبه العزيمه انها تكلفت

اللي سويتيه صح
صاحبة العزيمة متكلفه..... ومن الاتكيت اني اكل ....ما اقول أدحي بطني بالأكل....لا
بل أكل اللي مشتهيته...مو أحرم نفسي من باب الأتكيت ولما ارجع من العشاء وأنا أتعصر جوعا ...أشتري لي سندويشه من ع الطريق أو أمسح لي خبزة بجبن من ثلاجة بيتنا وتاركه البوفيه وراي...مو منطق هذا

بعدين اللي يقولون خايفين من العين....ليش العالم بتبقبق عيونها بصحنك

أملي صحنك وكلي بهدوء ...وماراح أحد يلاحظك
والأتكيت إنك تحترمين تكلف صاحبة العزيمة
ماحطت ضيافتها إلا علشان ناكل منها...مو نسوي نفسنا مايهمنا والجوع يلعب ببطونا

اذا هم مثلي معذورين اذا رحت لاحد تنسد نفسي مااشتهي آكل والله اني اتغصب الاكل مجامله وبعض الناس يحطون حلويات وقهوه قبل العشاء فنشبع عن العشاء

سبحان الله