انصحك بالبنطلون الخفيف اثناءالعمرةواللبس الخفيف لان الاجواء حررر خوذي بالشنطه لبس لك ولزوجك ومناشف وصابونه وشامبو ومقص للشعر بس الله يستر عالمطار لاياخذونه منك وطرفي فلوس ريالات للفقراء برا الحرم وجزمه خفيف بس بالحرم عشان يسهل عليك حملها وعطورات ومكياج بالشنطه الرئيسيه وبعد وشفرة ههههه ومشط وووعلوك وبزر للوناسه ولاتنسينا من دعواتك بالذريه محتاجه ضنا خاصه لما تشربين ماء زمزم ولاتنسين تلبسين غطوة موبرقع او نقاب عشان تنقبل العمرة وعمرة مقبوله ياحياتي موفقه

هل يجوز لبس البنطلون بالحرم تاكدي قبل ؟؟

بالنسبه لي أهم شي للرجل بعد الاحرامات الفازلين عشان الحر الواحد يتسلخ من المشي ولك انتي السروال القطن ضروري لاتنسي خوذي معك اثنين ثلاثه والغطوه تكون قماشها مايكتم مثل قماش طرح العجايز وخوذي لك ملابس بارده بس ماتكون ملفته للنظر وشنطه صغيره للجوال والفلوس وعلبة الفازلين الصغيره تكون مشابهه للمحزم طبعان تحت العبايه تنباع في الميقات بكثره وشرشف خفيف عشان تحطيه على السرير في الفندق لان بعض الفنادق شغلهم مونظيف، ونعال واطيه ومريحه ظروري لانك راح تضطرين للمشي قبل دخول المسجد(الحرم) ولا تنسي عاد ملابس لك كشخه وحركات تدلعين زوجك بعد العمره وادعي لي انا وبنتي بالشفاء.

شوفي عزيزتي
لازم تجهزين شنطه صغيرونه
تنزلينه معاك اذا دخلتي للمقيات بدل ماتتعبين وتتعبين زوجك معاك
وينزل الشنطه الكبيره ويشيل ويحط
نزليها معاك وحطي فيها التالي :
1|قميص اوجلابيه خفيفه ومريحه وغير ملفته
2|شامبو اوصابون ويكون غير معطر يعني مثل صابون ديتول
او سائل استحمام من ديتول بعد
3|ملابسك الداخليه طبعا
4|فوطه (منشفه) كبيره لجسمك بعد الاحرام
5|شراب اسود خفيف
6|غطوه للوجه تكون خفيفه اسمها (منيخل )يستخدمونها العجايز بتلقينها في اي سوق شعبي <<تلقينها بالسوق اللي عند الميقات
قصصيها وطبقيها فوق بعض بحيث انك لما تنكتمين او لما تجين تمشين تقدرين تخففين الطبقات عشان تشوفين دربك <<كم مره اطيح على وجهي بالميقات:hahaha:
7|لازم مزيل لرائحه العرق اسمه بوهلي انا دايما استخدمه للعمره فقط لانه غير معطر
8|حاولي تقصين اظافرك قبل ماتسافرين او خذي معاك وقصيهم قبل الاحرام
9|مشط وربطات والافضل لما تحرمين تسوين قرنين :hahaha:
يعني ظفيرتين عشان يسهل عليك قصهم بالحرم خذي قدر انمله من القرن الاول :hahaha:ومن القرن الثاني كذلك :hahaha:وبذلك ماراح تخربين شعرك وتكونين اخذتي من كل الشعر كما في السنه المطهرة
10|جزمتك وانتي بكرامه لازم تكون مريحه وخفيفه
11| خذي معاك فيكس وفازلين
(لا تنسين شريط او سي دي القراان اختاري شيخ تكووون قرائته مريحه مثل السديس او ناصر القطامي او احمد العجمي وشغليه وانتم طالعين من الميقات يخلي جوكم جناااان وترتاااحون وتخشعون واي قلق او خوف من الحرم راح يروح باذن الله << انا دايما كنت اخاف من الحرم بسبب كثره المشاكل اللي نسمعها واحنا صغار امن خطف ويسرقه ... الخ
واذا تذكرت شي لي عوده
ان شاء الله اكون افدتك الله يكتب لك ولي الاجر
ادعي لي ان الله ييسر لي العمره في نهايه الاسبوع هذا :27:

انصحك بشراء درزن جرابات (شراب) للحرم بدل ما تحطين جزمتك عند الباب وتنسرق
يعني كل ما نزلتي للحرم البسي شراب واذا رجعتي ارمي