اذا بدك تسافر بدون زوجك تعالي اشوي نخطط

انا كمان طبخت لزوجي كم طبخه بالبراد وغسلت ثيابه وكويتها وما راح اسافر الا لما انظف كل البيت والمعه .
قبل ما اسافر راح اعمل كيك واخليه بالثلاجه علشان يكفيه اسبوع وكمان محلبيه في علب واغطيها وسلطة زبادي بالخيار .

نسيت نقطه انه راح اسجل له في الماسنجر علشان نوفر مصاريف التلفون الدولي .

طيب شو ممكن نطبخ ويضل اسبوعين بالبراد

اولا موضوع رووووووعة وانا كتير بحاجته ...لان هاي اول مرة اسافر واتركه لوحده وحاسسته مستصعب الموضوع بس ما بيحكي هيك صراحة

بالنسبة لي ما طبخت شي لان كنت تعبانة شوي هاليومين وكنت حتى الغدا على سندويش وتوكيت بس بعدين شديت حيلي وقلت حرام بكرة بدي اتركه خليني دللـه بكام طبخه هلا

مشان الاكل انا جاي على بالي اعمل اكلات بحبها متل المحشي وورق عنب" هاي اذا لقيت ورق عنب" وخليها له في البراد مفاجأة يعني مارح قول له عليها

كمان زوجي كتير بحب الشوربات خصوصي للعشا ممكن اعمل له كام صحن شوربة

بس سؤالي ما بيخرب هالاكل كله ؟؟ يعني اشقد بطول بالبراد ؟؟

وصحي لا تنسوا المكسرات بيتسلى فيها لما بكون طفشان " انا زوجي بروق عليها ان شاء الله

وغير هيك نحن ناقلين من البيت لذلك هلا عم صفي البيت شوي شوي وناوية ان شاء الله لما سافر ما يكون بالبيت غير مكتبه وكنبة وسرير وبس

الغسيل والكوي لغراضه خطرت في بالي وخطر في بالي كمان اكتب له ارشادات عند الغسالة والنشافة مشان اذا اضطر يغسل ما يحوس

اما الصورة فكرة رهيييبة والماسنجر فكرة حلوة

وممكن كمان كحركة حلوة وبسيطة تتركي له رسائل مختصرة فيها كام كلمة حلوة مثلا بين ثيابه او اوراقه او حتى في البراد مشان يضل بتذكرك

بالنسبة لي باذن الله رح اربط له المنبه على صلاة الفجر

هذا الي جا في بالي الان واذا في شي كمان برجع بكتبه

مرة تانية شكرا على الموضوع المهم والحلو