اذا بشرتج عاديه تعالي قولي لي طريقتج المعتاده في اهتمامج بنفسج

هلا وغلا

انا احاول مااقصر بعمري حسب وقتي طبعا تعرفون الامهات

بالنسبه لبشرتي استعمل الحليب المنظف والتونيك من لوريال للبشره الحساسه لان بشرة وجهي حساسه جدا واستعمل بخاخ حاطه فيه ماء ورد استعمله متى ماحبيت وايد مفعوله منعش وحلو

واستعمل مرطب لوشن خفيف من استي لودر لتهدئه البشره لانها حمرا دوم :(

واستعمل كريم ليل للحين مارتحت لنوعيه معينه وحاليا شريت كريم الليل من لوريال وعجبني :)

وبالنسبه للجسم عقب الحمام ادهن السيقان واليدين بزيت جونسون بعد الحمام على طول هذا يمنع تكون الحبوب اللي تكون نتيجة وجود شعر تحت الجلد وهالشي طبعا تكون مستخدمه ليف في الحمام قبله

واستعمل كريم من لوريال مرتين بالاسبوع مدحوه البنات هني اسمه ريفينيش روعه بصراحه ويجدد البشره وهو مفعوله مثل التقشير الكرستالي تقريبا يعطي اشراق للبشره

واستعمل مرطب للجسم من جرجنز واحيانا من لوكس الكريم اللي فيه لمعه يخلي الجسم يبرق :)

واستعمل لليدين قبل النوم والصبح كريم مرطب معاه فيتامينات

اتمنى اكون افدتج :)

مشكوره أختي و ما قصرتي الله يبارك فيج :27:
وين باقي المشجعين لاهنتو