انا بتكلم عن الريان لاني صرت خبره فيه من كثر مادورت وداخ راااسي

اسعار الجديد شقق غااااالي جدا
يعني من 25 الى 30

اذا صارت الشقه قديمه يعني مستعمله
الاجار يكون من 20 الى 25


الفلل الدبلكس
الاسعار من 70 وفووووق

الوحدات السكنيه بمجمع سكني
الاسعار من 100 وفوووق


الادوار العلوي او السفلي من 30 وفووووق


انا ساكنه بدور علوي مستعمل بـ 28 اذا دفعنا بالسنه
و30 اذا دفعنا كل ست شهور .......


بالنسبه للروابي او المنار او الربوه فهي ارخص من الريان بووواجد حتى لو كان الفرق شارع ..!!

انا سكنت من فترة بالسلمانية
اجارات البيوت القديمة من 28- 30 والجديد فوق ال 35
الدفع كل 6 اشهر حبيبتي
وحسب ما لفيت وقت ما استاجرت كل المناطق نفس السعر تقريبا
فتشت بالضباط والملز كانوا اغلى من السليمانية كمان
والله يعينك ووييسر امرك

مشكوررات حبايبي ماقصرتوا

الله يعافيكم يارب ويفرج همومكم

انا ودي اذاكان بشرق الرياض يكون بحي غرناطه او الحمراء , قرطبه او اشبيليا

اما اذا بالشمال النفل او الندى , الياسمين او اي حي قريب منهم


تسلموون يعني تقريبا بتكون فو ق25000اجار الدور او الشقه

أنا ماني ساكنة زي ما قلتي ولكن لي صديقتين وسألتهم على شان دعوتك الحلوة وقالوا لي:ـــــ

وحدة منهم ساكنة شقة جديدة وتكييف سبلت وتشطيب وسط ما اعرف اسمه
وصغيرة غرفتين وصالة ومجلس والمطبخ بوسط الصالة بالشمال بالعليا
بحي السليمانية بعمارة فيها حارس 24 ساعة ب 37 ألف بالسنه والدفع كل ست شهور....


والثانية باسكان الملز (اللي كانوا يسمونه اسكان الكويتيين) مجمع بة كل شي امن واسواق
والشقة قديمة لكن كبيرة وبنائها قوي وموقعها ممتاز قريب من كل شي ونظيفة وعندهم صيانة للسباكة والكهرباء وكل شي....
والجيران مستواهم ممتاز دكاترة ومهندسين من اللي يشتغلون بمدينة الملك فهد الطبية أغلبهم...
الايجار 30 ألف على دفعتين كل 6 شهور..


الايجارات تختلف شوي لو الدفع كل سنة كامل كاش يسوون خصم 2000 ريال وكذلك حسب بأي دور
اذا الاول الارضي تكون أغلى...


ولك مثل دعوتك ان شاء الله...

انا ساكنه بحي الحمراءالشرقيه شقه دور ارضي عمر العماره 4 سنوات
فيها غرفتين وصاله ومجلس ودورتين مياه غرفه صغيره نوعا ما
سعرها 23 الف دفعه وحده