اذا تبغين عطر مميز وريحته روعه .تفضلي .

السلام عليكم ورحمة الله وبركاته
اليوم معي لكم عطر مميز واللي خلاني اقول كذا قصتي معاه .
لمن كنت في ماليزيا الصيف اللي فات كان في السوق اللي في المطار مسوين استاندات خاصه واللي يبيعون لبسين ملابس عليها اسم العطر دفعني حبي للشيء الجديد وسالت عنه لقيت ريحته مرررره خيال قالي زوجي يابنت الناس تونا واصلين وماليزيا كلها مراكز خليه بعدين بالذات انه اسعار المطار اغلى من الاسواق برا .المهم سمعت كلام الباشا وللاسف مالقيته ولابمكان يقولون جديد ومانزل الا عرض تجريبي في المطار.ولمن جينا راجعين للسعوديه مالقيت مكان العرض في المطاريوم سالت قالوا انتهى العرض.تضايقت طبعا:06: وقلت الحمد لله على كل حال
و يوم رجعت سالت عنه بكل مكان(قزاز-وجوه-باريس غاليري-والمحلات العاديه)قالوامانعرفه.
المهم قبل رمضان وانا مسافره الرياض جلست اتصفح مجلة المبيعات الجويه الا واشوفه بغيت انهبل من الفرحه سالت المضيفه قالت مو موجود على هذي الرحله لان المجله نزلت قبل العروض اللي فيها .ياربيه وش ذا الحظ
لكن وانا راجعه لجده حصلته وكان حظي حلو لانه كان اخر حبه على الرحله
طولت عليكم :time:لاكن اللي ابغى اقوله ان هذا العطر حصري على المبيعات الجويه والاسواق الحره ومكتوب في مجلة المبيعات انه عطر جديد لمده محدوده وغير متوفر في السوق المحلي


اسم العطر( كريس 1947 ) من كريستيان ديور
صدقوني ريحته مرررررره حلوه.
واللي تبغى انزل صورته اناحاضره