اذا تبون تعرفون الحظ النحس تعالو اعلمكم

السلام عليكم

كتبت الموضوع وانمسح بالخطأ :(

اخباركم حبيباتي .. سامحوني ازعجتكم معاي تو قبل كم يوم كنت منزله موضوع والحين رجعت فتحت هالصفحه .. لاني جد مو قادره اتحمل ياريتني اموت وارتاح من هالعيشة وربي تعبت حظي النحس هذا بيقتلني ..

المهم سامحوني اذا ازعجتكم وسامحوني اذا طولت بالكلام بس الله يخليكم قولي اي كلمه تصبرني .. بعلمكم وش اللي جالس يصير بس لا تصفطون موضوعي ردو علي لو بكلمه ..

انا مو صغيره عمري 28 والحمدلله ربي عطاني اشياء كثيره في حياتي بس ماعندي خوات ولاصديقات زي العالم كلهم تزوجو وصرت لحالي والحظ بالحب والزواج صفر .. المهم طول عمري ارفض ارفض لاني اعترف اني صعبه وماارتاح لاي حد وخايفه من الخطوة لحد ماانخطبت من شخص (بس خطبه ماملكت) وحبيته ..باعني وجرحني والان بعد سنه من هالموضوع موقادره انسى حبي له وطول هالفترة اللي راحت رفضت كذا خاطب لاني مو قادره ..

بعد مانزلت موضوعي قبل كم يوم .. تشجعت كثير من كلامكم لما خبرتوني اني لازم اقرر اغير حياتي وانا بعد قلت لازم اخطي خطوة جريئه .. وقبل كم يوم تقدم لي خاطب وانا صراحه برضو ماكنت راح اشوفه بس علشان الناس اللي خطبوني مره مره اثق فيهم واحترمهم ومواصفاته كانت كويسه وعلشان اهلي قلت بشوف الموضوع .. جابولي صورته ماحست بشيء لما شفته بس بعد زن اهلي حاولو يقنعوني بس انا كنت مره متخوفه اولا لاني ماحسيت بشيء ثانيا لاني جد خايفه من هالقرار خايفه من الفشل وخايفه انجرح وخايفه ابني شيء وينهدم قدامي .. المهم اخيرا اقتنعت وقلت بشوفه خلاص ..

وسوينا المقابله انا واخوي وهو واخته ومره كانو مبسوطين فيني وانا ماحسيت بأي احساس بس لما كنت افكر انه كويس واخلاق عاليه وعلشان اهلي كنت اقول اكيد مع الوقت بقتنع فيه حتى حسيت اشوي بالرضا وكنت بوافق .. بس طبعا الموضوع حرام انه يصير لانه حظي النحس ملازمني ومثل وجهي .. اخوي وهو يتكلم معاه تناقش في موضوع مره ماكان له داعي واخوي خبص بالكلام :44: والرجال اخذ الموضوع بصوره شخصيه .. مع انه كان مره مبسوط بس مره وحده كذا ناظرني وقالي اماني هالموضوع بيأثر علينا قلت له لا ..بس هو مره تخوف وزعل .. ومع انه اخته مره كانت مبسوطه وتقولي يارب خير واخوي مبسوط فيك و24 ساعه بالبيت يتكلم عنك .. والقرار بيدك لانه خلاص يبيك ..


وانا اول مره احس روحي خلاص اخيرا بوافق وبمشيها .. لكني جد انصدمت بعد يومين كذا كلم اخوي وقاله خلاص مافي نصيب .. انا مره مره زعلت وتضايقت اساسا ماكنت مقتنعه مره بس كنت بوافق لاني كنت احس اني راح اتعلق فيه مع الوقت لانه اخلاقه مره كويسه .. بكيت وانقهرت جد اول مره واحد يرفضني لدرجه قلت اكيد انا فيني شيء وماكنت طايقه حتى اشوف وجهي بالمرايه واخوي حس بالذنب ..مو غرور لا بس لاني كنت بوافق والرجال كان برضو يبيني بكيت على نفسي ..وكسرت خاطري امي

والبارح دقت علي خويتي اللي اهلها خاطبني للرجال وكانت مره زعلانه واخوانها مره متضايقين من اخوي لانه الخاطب قال لهم انا البنت ابيها وعاجبتني وبيتنا يبونها ووقفو في صفها بس انه تخوف من اخوي وخاف انه تصير في مشاكل ..وقالت لي ان اخوها الكبير كلمه وهاوشه وقاله عيب عليك انت بتعيش مع البنت والا اخوها وحسسه انه استعجل بقراره .. وقال انه يبي يرجع يكلمه ويفهمه انه انا واهلي مو كذا ولا نحب المشاكل ..



بس

انا اعرف انه الله مايكتب الا اللي فيه الخير والصلاح وانه كل شيء خيره بس انا تعبت وزهقت وامس كلمت امي وقلت لها رحميني ولا تحمليني حمل مااقدر احمله يبون يفرحون فيني وانا مالقيت الشخص المناسب ويوم كنت بوافق شوفو وش اللي صار .. ماادري والله يمكن انا فيني شيء بس اللي اعرفه شيء واحد اني جد انجرحت وانحرجت واني اذا كنت اخاف مره الحين اخاف مليون مره ..


:icon33: