اذا تحبين طفلك ربيه صح

كل وحدة تتمنى ان يكون طفلها قرة عينها متربي على السنة ومتحصن داااائما بالاذكار ويكون من صغره مرباي على حب الدين والله والذكر والرسل


كل وحدة تتمنى ان يكون طفلها قرة عينها متربي على السنة ومتحصن داااائما بالاذكار ويكون من صغره مرباي على حب الدين والله والذكر والرسل




اولا: الاذكااار وياما نغفل نعلم اطفالنا الاذكار المختلفة تدرووون ليش!!! وسبب محزن اولا لاننا ما نكلم عيالنا الا باسلوب الاوامر جيب هات حط لا تكسر قوم من النوم اشرب لا تضرب وكانهم اشخاص آليين نبي نمشيهم ع كيفنا وهم فلذاااات الاكباد ويتربى الطفل من صغره على حياااة فااارغة ضعيفة جدا مهزوزة وتجي ام تكتب بنتي تراسل شباب ولدي يتابع افلام اباحية ووين كنتوا عنهم لما كانوا صغار وين كان دوركم وين كان لما يجي يركض وراك امي سمعيلي السورة وتردين عليه برد ينهي حبه للقران واهتمامه فيه ( ما ني فاضيتلك ) والسبب تتجهزي للسوق مع انه ما ياخذ تسمعيك له دقايق ولا حتى جا ع بالك تسمعين له ف السيارة بدل سوالف الي ما منها فايده او تطقطق ع فون ولا بس فالحة تناظرين عن يمينك ويسارك ، ببساطة يمكن انتي ما تربيتي ع الاذكار وانه احد مهتم يعلمك الدين من صغرك بس لا تكرري الخطأ ف عيالك


خلي عندهم اهداف ساميه خلي هذا الشي ينزرررع فيهم من الصغر مثل الساق لا قوى وكبر بعدين يصعب كسره ما تلاحظين لما احد يزرع نبته او شجره ف بداية يربطون حواليها بعمود او حديدة او عصا مثبت ع الارض ليش؟؟ عشان يقوم ساق مستقيم وما يكون عوج انتي تبين تربين عيالك ترررربية مثالية سليمة اذا اتعبي مثل ما تتعبين ف طبخك اتفنني وذوقي حلاوة تربيتهم مثل ما تتفنني ف اكلاتك ف رمضان ولما تشيبي ويرق عظمك بتحسي بطعم الانجاز وكل عيالك صالحين ومصلحين مثل ما تتلذي بطعم الحلا بعد ما انهكك اعداد السفرة ،،،


صحيح التربية الدينية والاخلاقية صعبة بس ما هي مستحيلة تدرين ليش لان عيالك انتي مقابلتهم اربع وعشرين ساعه ما يحتاجلك تضربين خط مثل سوق والسفرات ولا يحتاجلك تبحثي عن مكونات سحرية وغالية الثمن استغرب لما اشوف الغرب كيف يربون عيالهم ويهتمون فيهم وهم ف نهايه لا لاحقهم اجر او بيبرون فيهم عيالهم لما يكبرون بل اغلبهم ف سن 18 طلع من البيت وشل جشه وما دروا عنه يتصرف بحياته مثل ما يبي مب كلهم طبعا وانتي يلي الجنه تحت رجلينك انتي الي تبغين منهم اجر وجنة وتبينهم يدعولك ف صلاتهم ويبكون ف سجودهم عشانك ما تبين عيالك يتصدقؤن عنك لا متي وما نفعك بعدها لا كثرة سوالف دنيا وحش وتفرفيرة ف سوق مبالغ فيها بلا حاجة....


تبينهم يدعولك ويتصدقون من فوق راسك اصلحيهم والرسول قال : ولد صااااااالح يدعوووو له ركزوا (صالح) الدعاء غير لا طلع من ولد صالح يمكن يستجاب له ويخفف من عذابك بالقبر ووش سبب صلاحه ما تدرين يمكن بسبب حلقة ذكر ف الصباح كنتوا محافظين عليها او سرد قصص الرسل والصحابة قبل النوم عودتيهم عليها لما كانوا صغار او بطاقة كنتي تحطينها كل اسبوع داخل دفتره مكتوب عليها يا اغلى ولد/بنت ف الدنيا احبك وحبيت صلاتك الخاشعة الي صليتها اليوم يمكن هذي كلمة تخليه يحافظ ع صلاته طوووول عمره وتبعده عن الفحشا والمنكر والبغي


يا حريييم اذكر نفسي واذكركن بالتربية ثم التربية ثم التربية و ف النهاية كلامي مب لوحده معينة بس هو كلااااام طالع من قلبي لكل ام هامتها تربية عيالها وما اقول الا اني احبكن ف اللله والله يوفقكن وعيالكن لما فيه رضاااه