السلام عليكم

وش فيكم يابنات الرياض فشلتونا عند البنية

اكيد انكم معذورين مسافرين ،
عالعموم عزيزتي
تبين شي يوسع الصدر لازم الحاشية اللي معاك تكون ناس بالها طويل
احيانا المكان مو مهم بقدر ما الاشخاص وطبيعة تعاملهم (هل هم راعين فله ووناسه ولا لا) ماعلينا

نرجع لطلبك
اذا انتي بالرياض / تبين التمشية الأساسية تتعرفين فيها على الرياض واهم معالمها
خذي عندك:
متحف صقر الجزيرة للطيران بالرياض على طريق المطار.
المتحف الوطني الصغار هنا بينبسطون كثيررررررر لان فيه اراء لمخيلاتهم فيه مواضيع تعرض بشكل متسلسل من بداية خلق الكون الى العصر الحديث وسط البلد.
مكتبة الملك عبدالعزيز العامة.
واذا تحبون التراث والاثريات لايفوتكم سوق الزل وسط البلد (الاجانب طايرين فيه ) للاسف حنا مانقدر
المملكة (اطلعوا في اخر دور الجسر ) تقدرو تشوفو منظر للرياض من كل الجهات .
الفيصلية (جربوها في النهار تراها شي ثاني ) احلى من زحمة الليل والدوشة.ومطاعمهم متنوعة .
قرية الثمامة (فيها عروض هاليومين ).للصغار والكبار ويعجبوني ان الناس اللي تجي فيه ناس صاحيه ملتزمين نوعا ما قياسا بالاماكن الاخرى .(يعني العوائل المحافظة يتنبسط ) .
عندك المطاعم
الرياض مدينة المطاعم والاسواق :
ابدأي بشارع التحلية
مطعم ابل بيز ( خدمتهم راقية جداً جداً واكلهم طيب ) اسعارهم وسط .
مطعم عبدالوهاب (اسعارهم رخيصة) واكلهم لذيذ اطلبي حمص عبدالوهاب .
المطعم الايطالي لي اولمبو ( بالنسبه لي افضل مطاعم الرياض ) اسعارهم مرتفعة قياساً بالمطاعم الايطالية الاخرى. لكن يستاهل.
المطعم الهندي .

احدث مطاعمنا وافضلهم من ناحية السعر مطعم الشرفة .


وتبين شوري: مع ليالي الصيف مافيه احلى من انك تروحين لهايبر بندة وكم صيخ دجاج متبل وجاهز واشويهم على ضفاف سواحل الرياض ( الثمامة وماجاورها ). لاتنسون الدبابات (الجلسة ماتحلى الا بالغبار في الرياض )<<<<<:icon28: متكيفين مع بيئتنا ولله الحمد .


الاسواق انصحك بحياة مول ( يعتبر من افضل الاسواق حاليا)
سوق غرناطة .
رويال مول .


الاماكن واجد لكن اعمار اللي معاك هي اللي تحدد.
يعني لو كان اغلبهم اطفال اقل من 10 سنوات ( تكونين اعطيتيهم الدنيا وماتسوى اذا وديتيهم ااي مجمع فيه العاب الكترونية ) او فن تايم او ستار ستي.

اخيرا:
انصحك بزيارة موقع مدينة الرياض
فيه كل ماتبحثين عنه
ان شاءالله اكون افدتك
ولو ما استفدتي عالاقل اساهم في رفع طلبك لعل غيري يخدمك.


اهلا بك في العاصمة.

UP

زورو هذا الموقع لي الهيئه العليا لتطوير مدينة الرياض
http://www.arriyadh.com/

هلا والله الله يحيك عندنا شوفي اختي بالنسبة للمطاعم انا احب الاكل الهندي وافضل مطعم على حد علمي كوبر شندني واسعارهم مرررررررررره حلوة وهو في شارع التحلية اما الاكل الصيني فايعجبني مطعم الخليج الذهبي الصيني اما الاكل المنوع فيه مطعم افوكادو على طريق الملك عبدالله المطاعم بالرياض كثيرة وناسية معظمها واول ماتذكر راح اقولك واتمنى اني افدتك حبيبتي

المطاعم
اممممممممم

شوفي فيه مطعم بصحارى بلازا اسمه بيتزا كومباني بيتزا رخيصه نسبيا وحلوه

بالنسبه للحكير لاند فيه عوايل وايام نساء>>> الحكير تفتح الى 1 على خبري

اما ستار سيتي بس نساء

ايكيا بمخرج 16 وفيه جنبه سوق رمال سنتر ،،،،

وهوم بلازا بطريق الملك عبدالله مخرج 10

المطاعم على كثرها احس انها تبخرت من راسي ابي اذكر شي ماش الذاكره مش ولا بد

بحاول اذكر
اهم شي لاتكونون جيتو ورجعتو وانا قاعده اكتب :(