:: اذا تمت استشارتك لطرح قضية في مسلسل.. فماذا تقترحين ؟؟؟::

فكره حلللللللللللللوه

ليش مانكتب سيناريو لمسلسل خليجي ونبرد كبدنا

انا بصراحه لو اني كاتبه بكتب عن الملتزم المعتدل

مو الملتزم اللي يكفخ اهل بيته بدعوى الدين

ولى الملتزم اللي لا احد ابتسم قعد يستغفر الله

وثوبه حاطينه الى فوق ركبته وغترته مبهذله؟

شدعوه هذا الدين

ودي اسنير << يعني اسوي سيناريو خخخخخخخخخ

عن العائله الخليجيه المحافظه

وما يحيط بها من محاولة نزع ثوبها المحافظ

وكيفية ردها على الليبراليين والمنفتحين ( بزياده)

وكيف ان الملتزم يضحك ويسولف وينكت ويودي عياله الملاهي

مهب مقفل على نفسه ويتأفف من الوضع

وان البنت مهما كانت محافظه وفي حشمتها تقدر تكشخ وانها تقدر تدرس وتواصل دراستها وتتوظف

والخ الخ

بصراحه

وبسوي مسلسل ثاني

عن العقوق

بس مو مسلسل دمعة عمر << كذا اسمه؟

مسلسل خيالي

لا ابي مسلسل واقعي من اللي يذب امه وكيف يعذبه ضميره الين يقول بس

وبالمقابل اخذتها بنتا وكيف ان بيتها تبارك بسبة هالعجيز وكيف تلعب مع احفادها

<< خشت جو ههههههههههههههههههههه

والله فيه افكار شكلي بشبك مع فجر السعيد

تحياتي

السلام عليكم عزيزتي جبتي الموضوع اللي بجد يستاهل التميز صراحه لانه موضوع حلوو للتعبير عن مابداخل النفس والترويح عنها خليني اجواوبك:
1-الموضوع الرئيسي هو الظلم لانه كثييير صاير يحصل بمجتمعنا..
2-اصور الحياة الواقعيه كالاتي :
أ- الاب لاهي عن امور بيته شديد على عياله متسلط هذا بس داخل البيت خارج البيت شخص اخر
ب-الام تكون يا ناسيه عمرها مع عيالها ومشاكل البيت وتحاول قدر الامكان انها تحل محل الاب وتمسك عمود البيت وهاذي لها الاحترام والتقدير او انها حالها حال الاب عايشه يومها بين الاسواق وتجمعات الحريم وعمليات التجميل والموضه وماترجع الااخر اليوم
ج- طبعا العيال لااااااهين ياللي فاسد فساد اعوذ بالله او اللي الله مصلحه بدون رعايه او اهتمام من الاهل وكذالك الحال للبنات

البيت طبعا بين الخدم والسواق ياغافل لك الله ...


المواقف اهم شيء الدين الحرص عليه مش بالتشدد لا بالوسطيه يعني شوية تذكير من الاب والام راح ينقذ البيت وعيالهم ويكفي انه راح ياثر بالمجتمع كله
يعني ابي تذكير بالصلاة وفوائدها االاحتراااااااااااام التقليل من مواقف شرب الخمر والحريم والدخان ووووووووووووواشياء وااااجد وخصوصا الشذووووووووووووذ الجنسي والله صرت اتقرف من المسلسل اللي فيه كذا كانهم يدعون له وبعض الاحيان يمكن ينبهون الاهل عنه...

المسلسل اللي قريب من واقعي ولا واحد الحمد لله كل المسلسلات الخليجيه صراحه منحطه الا ماندر



اتمنى اني مااسدرت راسك بالكتابه لاني اعشقها مووووت واتمنى اني اقدر احسن من مجتمعنا اللي كل ماله للاسفل بسبه هالممسلسلات اللي تدعو للانحراف....

:: سمو الذوق ::

صدقتي يالغلا..

احيانا تشوفين المسلسل يستعرض الممثلات او البيوت او السيارات .. و تدورين على القصه ماتلقينها.. لان القصه هي الصورة الي يقدمونها لج..
واعتقد ان مشكلة المسلسلات زادت عقب ما كبر ربحها التجاري.. دخلوا فيها تجار ما يفهمون يعني شنو تربية ومسؤوليات مجتمع..
تسلمين حبوبه على ردج الراااااااااائع.. وبالعكس حبيبتي هذي مساحه حره للتعبير عن ما يجول في خواطرنا..
بدل ما يفرضون علينا شي احنا مانبيه..




:: الطفله ::

يا حياتي خلك من فجر السعيد.. وتعالي سنيري معاي.. ههههههههه عجبني التعبير.. :)
والله افكارج حلوه.. انا بعد ودي اظهر العائلة المحافظة الي تسير في حدود ضوابط الدين.. وابي ابين واظهر للعالم الانسان المسلم الي يمشي على خطى النبي محمد عليه الصلاة والسلام في التربية.. فيسمع لابناءه وينصحهم باساليب غير تقليدية..والام مثله..ابي الاباء يتعلمون الطريقه الاسلاميه الصحيحه في التربية وابي اذكر في كل حلقه ايات قرانيه واحاديث صحيحه.. عشان نغرسها في نفوس ابناءنا..

والله عندي افكار كثيرة ومتنوعه.. بس تنتظر الي يطلعها..

خلينا نشوف ابداع باقي البنات.. ويمكن نطلع لنا مسلسل.. كل حلقه تكتبها بنت من بنات المنتدى..




:: لمى وسمى ::

يا حياتي التميز كله في ردج ماشالله عليج.. افكارج بعد رووووعه.. والصورة الي تخيلتيها واقعيه ميه بالميه.. وتدرين احلى شي فيها.. انج بتقدمين الحل عقب ماتعرضين المشكلة.. وهذا فعلا ما نحتاجه..
نحتاج نوجد الحلول المناسبة.. مو بس نعرض المشاكل الكئيبة..

ودام انج تحبين الكتابة.. اتمنى انج تستغلينها في كتابة القصص المفيده.. حتى لو كانت فيها عواطف وحب .. فتكون في الحدود المتعارف عليها.. وانشريها في الانترنت.. لعل الله يهدي بها مضيع للصلاة بكلمة تاتي على لسان احد ابطال قصتك..

شرايج في فكرتي؟؟؟؟؟؟؟؟ والاحلى لو نقدر نحول قصصنا لحلقات عشان توصل رسالتنا للجميع..




:: عطورات شرقيه ::

مواضيعك مهمه جدااااااااااااااا... وفعلا محتاجين نطرحها..
وبنفس الوقت لازم نبين ان ديننا اعطانا حقوقنا كامله..

تسلمين حبوبه على المشاركة والرد الطيب..

موضوعج رائع واكثر من رائع
لأن المسلسلات تأثر بشكل كبير فالناس واكبر مثال المسلسل الكويتي اللي كان يناقش قضيه وحده من الشخصيات وكانوا ينادونها بالبويه والبنات الصغار ما استفادوا شي من هالشخصيه الا انهم بدوا يقلدونها ,وسالفه المكياج المبالغ فيه يعنى تلقين البطله وقت النوم وفالمستشفي والعزاء بعد حاطه فل ميك اب هالاشياء ما تعجبني

اول مسلسلين لوداد الكواري كانوا روعه لانها كانت تبين ان الناس يكافحون عشان يعيشون لكن الشيء اذا زاد عن حده انقلب ضده ,لانها بالغت في هالشي وماعاد لمسلسلاتها طعم

انا اتمنى اشوف مسلسل يناقش قضايا من واقع حياتنا بجراءه على سبيل المثال
كان في مسلسل بحريني روعه اسمه الكلمه الطيبه وحاير طاير الأماراتي لأنهم يناقشون وايد قضايا بعيد عن الأسفاف وكلام الملايين والورث والشركات

اسمحيلي عالتطويل واشكرج مره ثانيه ع الطرح

:: الطارقه ::

هههههههه والله يا اختي ان افكارنا وخيالنا اوسع من خيال فجر السعيد.. بس هي استغلت واستفادات واحنا محلك سر..
افكارج بعد رووووعه.. خصوصا صورة الرجل الخليجي الي عمرهم ما قدموها بشكل صحيح.. يا يكون اهبل ولا غلج..
ابي وامي مع التحيه.. الاسم مب غريب علي.. بس ما اذكر مواضيعه.. والله قبل كانت في مسلسلات حلوة و تقدم رسالة لكن الحين الفضائيات دمرت الدنيا..الا من رحم ربي..
في مسلسل يعرض الحين على قناة اقرا اعتقد انه اردني.. راااااااائع بكل ماتحمله الكلمه من معنى..
وهو تربوي بالدرجه الاولى..

مشكورة ياقلبي على المرور والرد.. وان شالله افكارنا كلها تترجم لاعمال توصل للناس كلهم..



:: العود المنثور ::

تفاعلج الاروع حياتي.. وانا معاج في كلامج..
شكل الممثلات وايد متكلف.. كنهم رايحين جلسة تصوير مب يمثلون مواقف الحياه الطبيعيه..
واكيد صغار السن والمراهقين وحتى الكبار .. يتاثرون يكفي ان عرض المشاكل هذي بهالطريقه يخلي الناس تتعود عليهم..
يعني بيقولون لج عادي البويه صارت بكل مكان.. مع انه من فعل محررررررررم شرعا.. و لازم ما نحقر هالذنوب ونصغرها بعيون عيالنا..

انا عن نفسي عجبني مسلسل نوره.. لانه كان يحمل معاني رااااااااائعه.. افتقدتها من مده طويله في الدراما عندنا في الخليج..

و وداد احس انها وايد تباااااااالغ كن الفقارى عايشين بروحهم.. والاغنياء في كون بروحهم..


حاير طاير بعد رووووووعه مثل فايز التوش عندنا بس السليطي وقفه من زمن.. بس اخاف مع الوقت يستوي حاير طاير مثل طاش ما طاش.. يكرر نفسه.. او يصير يهتم بالصورة اكثر من المضمون..