اذا تهاوشوا امك وابوك وش دورك انتي؟

السلام عليكم

من زمان ودي اكتب عن هالمشكله بس كنت ااخرها على امل اصلاح الوضع

مثل عنوان الموضوع اذا تهاوشوا امك وابوك او تناقروا على شيء تافهه انتم وش دوركم كبناتهم

يعني السبب احيانا ممكن يكون تافه مقاضي خرابيط طلبات كلمه اي شي وتعرفون ازمة منتصف العمر

ودايم اذا صار بين الوالد والوالده هالمهاوشات نتضايق حنا ونتاثر انا واخواني وخواتي حتى مع زوجي اتاثر واعصب بس طبعا ماأعلمه

وطبعا الكبرياء له دوره كل واحد يحس انه هو الصح

حنا نحاول نصلح بالمزح بالكلام وغيره بس الصراحه مااتعمق يعني ابوي خاصه ماتعمق استحي منه بس امي امون عليها واذا قلت انتي غلطانه تزعل تقول انتم مع ابوكم وبس

واذا قلت لواحد منهم الحق عليك زعل منك ومااخفيكم كلهم غلطانين لانعدام الاسلوب الله يطول باعمارهم

يابنات كيف تتعاملون مع هالزعل بين الوالدين وخصوصا اذا استمر اياااام
وطبعا حنا همزه الوصل بينهم


الله يجزاكم خير

وادعوا ان الله يسخرهم لبعض تعبنا من الزعل