اذا توافقت الاحداث وش موقفك

شخباركم ياخوات حواء احيانا كثيرة سبحان الله تتوافق الاحداث مما تسبب رعب او تسبب تاخير او........مثل يدق جرس الباب وانا اتحلم اني في المدرسة وفي نفس الوقت يدق جرس الفسحة عندي في الحلم خخخخخخخ وعاد ينقع الي على الباب لين انتبة وعاد الموقف الي علية الكلام
مرة من المرات جاء زوجي للبيت تعبان ويقول احس راسي ثقيل والم خفيف وجسمي تعبان قلتلة سلامات وش فيك قال مدري وجلس ونادى عيالة جلس معهم شوي وبعدها قام اخذ التلفون وكلم ابوة واخوانة بعدين قال بروح انام انا صراحة خفت وبدء بليس بفتح مشروعة بعدها بفترة نومت عيالي ورحت وانا اهوجس بنام قام لصلاة الفجر وصحى ولدة وراحوا للمسجد رجع الولد والابو مارجع يوم تاخر رجع بليس يكمل مشروعة الله يستر وشصار ولايكون ويمكن وهلما جرة يوم شفت الشمس اشرقت قلت خل اروح اقوم ولدي يروح يشوفة الا واجي انادية يافلان يافلان وهو يرد علي والنوم كابس نعم سالتة وين ابوك قال ها قلت وانا اضربة بخفيف علشان يصحصح وين ابوك قال يابنات والله هذي كلمتة في المستشفى عاد انا هنا كن من ظربني على قلبي وبديت ارتجف واهزة بقوة وانا اصرخ اقول وش تقول وين ابوك كانة صحصح مع الصوت وقال ها في المسجد في المسجد تعالوا دوروني ماتلقوني خلاص توافقت الاحداث اشوي الا ابو الشباب يدخل الا انا حرام عليك لية تسوي فيني كذا وهو ماهو داري بالسالفة ويقول خير وش فيكم واعلمة السالفة وصار يضحك ويقول بكل برود كنت اسولف مع واحد يوم طلعنا من المسجد ها من مر بمثل ذا الموقف