اذا جاك زوجك متروش ويش تسوين ؟

السلام عليكم ورحمه الله وبركاته


بدخل الموضوع على طول انا ياطويلات العمر زعلت مع زوجي
لينا كم يوم مانكلم بعض المشكله قالي عندوه دوام يوم الخميس
مابلعتها عاد يوم خميس قلت يالله دوره ولازم تصحيني تسع
انا رحت وصحيته بالعاده يتثيقل لدوام لا قفز على طول وراح
رجع قبال المغرب وجواله مقفل كلمني الساعه ثنين بسرعه
وقالي بيتغدا عند واحد من اصدقائه بعد الدوام قلت يالله وبعدها
رجع لا بس قبوعه على راسه قلت غريبه بالعاده
يفكها في السيا ره لا واسحبها من راسه الا وهو متروش:icon33:
انجنيت قام الشيطان يلعب براسي قلت انت متروش قال
لا بس غسلت راسي وخاف وجلس يستشور شعره وطار فيني
كاعاده يتغدا فين قبل اتعشا فيه بس كان بارد حيل ماجلس يناقشني
كاعاده طبعا انا ماشكيت بان له علاقه بحرمه لا واثقه فيه لاكن
انا خفت ليكون شرب مع خوياه بعدين غسل علشان يصحصح
قبل ايجي الي تعرف اي شي عن السكر تقول بالتفصيل انا جاهله
في هذه المواضيع طبعا اهو اول ماتزوجنا كان يعترف لي الحين
يقب فيه ويقول انتي شكاكه ويزعل بشهر بعدين نترضى ومره
دخلت اهلي علما بانه ينجن فيني وعيالي ومدلعني اخر دلع
والناس يقولون يابختك فيه ابد مانتزاعل غير في هذا
الموضوع شوروا علي الله يرضى عليكم انجنيت تكفون ساعدوني:(