اذا جاني احد رفضوه عشان هالسبب

بنات وش رأيكم بالأخوات والأم اللي يرفضون اي احد
يتقدم لك بعيد عن المدينه اللي انتي فيها
يعني مثلا انا بالرياض يتقدم لي بجده او الشمال على طول
يرفضون بدون ماياخذون راي حجة خواتي ان انتي الكبيره وامي متعوده عليك لو رحتي وش تسوي امي
لحالها؟ ان كل بنات اقاربنا شوفيهم ياخذون من
نفس ديرة اهلهم عشان يصبرون كل يوم عند اهلهم وأمهم وامي نفس التفكير ليش تاخذين بعيد وتتركينا
ياناس والله يجيني اكثر من شخص ماينرفض
وانا خلقه مابي اسكن هنا لكن لما اشوفهم كذا يجيني تأنيب ضمير وارفض وأرضى اجلس هنا الحين عمري٣١
وكل ماجاء شخص رفضوه وخواتي فيهم انانيه بشكل
يعني يقولون دايم الكبيره هي اللي تتحمل مسوليه
أهلها وامها بالذات دايم هم ينامون ويطلعون ويبوني بس انا عند امي ولما نتهاوش اقول خير ترا امي ماجابتني
لحالي وش وظيفتكم انتم ؟
يقولون انتي البكر كل الامهات شوفيهم مع بناتهم الكبار ويبدون يعددون اقاربي والعائلات
فلانه وعلانه اللي صدق بناتهم الكبار مع امهاتهم
اجل وش الفايده اذا كل شي تتحمله البنت الكبيره وش فايده البنات الصغار اجل بس للنوم والصديقات وعادي
عارفه لو بيجي احد من خواتي بعيد بيروحون بحجه حنا عادي بس انتي لا انا مابي اتمشكل عشان شي واحد
امييييي مابي تحس ان بري فيها بمنه
ولا ابي اتهاوش معهم عشان السبب امي وكأنها حمل ثقيل علي لو قلت لهم وأنتم وش فائدتهم
امي كلمتها لاتجلسين عندي خلاص مابي احد
وتحسسني بالذنب وكأني امن عليها لكن خلاص بعد انا مو شغاله وانا لي حياة مو معقول وصل عمري ٣١
وللحين كذا لين متى بستمر بس عايشه بخدمه اهلي !!
وكان هذي وظيفتي الوحيده بالحياة
اقسم بالله كرهت كوني بكر عشان هالسبب
اغلب الناس اللي من طبقة عاديه يعني
ماعندهم خدم ولا شي من يوم طلعو ع الدنيا يعرفون
وش يعني اللي اقصده
لما تصير البنت بكر بعائله فقيره او عاديه تتحمل كل كل شي تتحمل مسؤوليات خواتها الاصغر واخوانها والبيت وأبوها وامها والتنظيف والطبخ والعزائم
كل كل شي على البنت البكر وكأنها مخلوقه بس
عشان هالشي وعشان خدمة أهلها انا بعيوني اهلي لكن مو معقول ناس اخذو مو سعودين واخذو من دول الخليج واهلهم فرحو بنصيبهم وانا لو جاني شخص يبعد عن مدينتي ١٠٠ كيلو قالو لا مانبيه بعيد عنا
قسم بالله صرت مابي تتزوج خلاص يجيني
تأنيب ضمير اني بترك امي وخواتي من كثر ماهم
مايبوني اروح خاصه امي الله يهديها
متعلقه فينا بشكل خيالي ماتبي نبعد ولا يومين عنها