$$اذا حابه تعيشي ألف ليله وليله ... في ليله تعالي وأنا اقولك$$

سلاااااااام :26:

كيفكوووووووم ياأحلى بنوتات وستات حواء

حابه احكيلكم حكايه ولا ألف ليلة وليلة :40:

بس انا سويتها بليلة من الليالي

ندخل بالموضوع قصدي الحكاية

قبل ليلتين كنت مرررررررره تفشانة وماعرفت ايش اسوي :(

لفيت في البيت لييييييين وصلت المطبخ وقلت خليني اجرب قناع الحنه + الكركم مع موية الورد

لأني سمعتو من الدكتور اللي يجي في قناة LBC وقال انو يحل كوووول مشاكل البشره

انا طبعا قناعي اللي دايما استخدمو قناع الشوفان بالحليب ومرررره مرتاحه معاه

بس ايش تقولو بالطفش وعمايلو ...!!

طبعا اهلي كلهم نايمين وانا الوحيده اللي ماعندي لااختبارات ولا شغل :3_3_103:

سويت القناع وبعد مانظفت بشرتي حطيتو لما خلصت من توزيع القناع على وجهي

غسلت ايدي وأتفاجأ :blink: انو إيدي حمررررررررررره مرررررررررررررررررره

جربت اغسلها بالصبون مافي فايده واتذكر الحوسه اللي على وجهي وبسرعه مسحتو بكلينكس وجريييييييي على المويا والصابون

وهاااااااااااتك يافرك :boom:

يابناااااااااااات اشوا انو اهلي نايمين والله وجهي كأنو صحن إدام أحمممممممممممر

صرت اضحك على نفسي ومحتاره كيف انظفو؟؟ :hahaha:

قلت اجرب سائل كلين أند كلير اللي لونو موف وامسحو بقطنه والله لو تشوفو القطنه حمممممرا

بس كمان ماراح وحرق وجهي لأني كنت افرك بقوه

وانا في وسط الحوسه وصحن الإدام اللي على وجهي اسمع صوت باب انفتح والمشكله أنا بالصاله عند مراية المدخل

وطلع اخويا كان طالع من غرفتو ورحت اركض على غرفتي وجيت بقفل الباب اللي هوا يناديني

ماعرفت ايش اسوي ولبست شرشف الصلاة وكأني أصلي ليييييين راح ((من جد غربله)) :icon33:

وتعرفو فكرت اروح دورة المياه الله يكرمكم بس بينتظرني وساعتها ايش اسوي

وقلت خليني اصلي عشان يطفش ويروح لأنو لو شافني .. ثاني يوم بتشوفو حكايتي بالجرايد وقناة الاخبارية

المهم بعد ماطفش وراح ينام قمت وسويت قناعي الله لايحرمني منو اللي هوا شوفان وحليب وحطيتو على وجهي

وخليتو نص ساعه ولما غسلت الحمد لله كلوووووووو راح :232:

والله يابنات قناع الحنه والكركم بلشه وغير الريحه يووووووو استغفر الله تقرف

وقلت تووووووووووووبه اجربو مره ثانيه

وتوته توته وخلصت الحدتوته :hearts: