مرحبا حريم كيفكم
اليوم بوريكم كيف تصلحين غسالتك العاديه الي لها حوضين غسالة ونشافة
المهم انا عندي خدامه حاره علا الاجهزه الكهربائية دايم تخربها علي ومره جتني طايره تقول المويه تنزل من تحت الغساله المهم رحت للغساله وفصلت الكهرب عنها وسدحت الغساله صارت مريضه ههههه:D
المهم وشوف المويه تصبصب من تحت وش صارت المشكلة ان الهوز حقها انقطع وش السوات فكرت وعلا طول جتني الفكره الكل يعرف مكنسةالكهرب
لها نفس الهوز او الخرطوش وانا عندي هوز خربانه المكنسة حقته اخذت الهوز وقصيتة بطريقه مرتبه ورحت للغساله وفتحتها من الخلف ونشفت المويه عنها وركبت الخرطوش مكان الى خربان ولزقته بلزق قوي ينباع في المكاتب لونه فضي لفيته كم لفة وتأكدت انه مضبوط سكرت الغسالة زين وفتح المويه من الغساله وصارت تمام والحين لها تقريبا عندي 7 سنوات وهي ماشيه زين معنا عقب العملية . ونصيحه ياحريم دايم شيكو علا غسالاتكم ونظفوها من جوه زي مانظفها انا
بقولكم مرة جتني الخدامه وتقول انها اذا عبة الغساله مويه تنزل علا طول مادري وش فيها المهم قلبتها فوق تحت وصارت المشكله في داخل الغساله كلكم تعرفونها زين من جوه لها علا اليمين زي المشخله طويله صح حاولي تفتحينها وحفظي طريقة فكها عشان ترجعين تركبينها ونزلي يدك تحت تلقين شئ زي الماصوره تحتها ربله من المطاط تلقين حولها املاح وقطع القماش الي ينزل من الغسيل المهم افتحي المويه عليها وابدي التنظيف وشيلي الترسبات يدك عشان تتحسسين الترسوبات وتتاكدين من نظافتها وعلا طول تلقينها تنزل وتسكر وتحفظ المويه من نزولها عند الغسيل هذي طريقتي انا انظف الغسالة كل 6 شهور عشان احافظ عليها .
اتمني فكرتي في تصليح الغساله وتنظيفها تنال اعجابكم ولاتنسوني من الدعاوي الحلوه :32: