الله يعين أنا بس غرفة النوم

اغلب الحريم كذا غصب عنهم من زود الشغل
شوفي حبيبتي انا اول ماتزوجت كنت كذا مااهتم بشغل البيت والمطبخ اجمع مواعينه لليوم الثاني ومااهتم بتنظيفه في وقت الحوسه حتى ابو العيال كان يتضايق منه بس عاد عروس ومايبي يهزئني
وغرفت النوم كانت انواع الحوسه والملابس مكومه على بعض بالاسابيعوفي مره من المرات تغدى زوجي ونام وانا كنت طفشانه وشغلت كاسيت محاضره في المطبخ وشمرت عن اكمامي
وغسلت المواعين ونظفت الثلاجه ونظفت الفرن ورجعت المواعين وكنست المطبخ ومسحت الدولاب وانا مشغله شريط محاضره فما حسيت بالوقت ويوم خلصت والا انا اتفاجا بمطبخ نظيف ويشرح الصدر لدرجة اني كل شوي ادخل واطالع من جديد مبسوطه من النظافه
وبعدها تشجعت وقلت بمسك باقي البيت وفعلا غيرت في ترتيب بعض التحف والكماليات وفتحت الاباجورات وطفيت النور والا اطالع الا هذا شكله فندق من الترتيب والاضاءه وفرحت اول مره احس بتغير في شكل البيت وبعدها بخرت البيت والمطبخ فرحانه بشكله الجديد وجهزت حلى وقهوه لابو العيال وكل شوي افتح الباب عليه ابيه يصحى يشوف النظافه وفي هذ الوقت وقبل لايصحى الا الجرس يرن وجات اخته بدون اتصال تبي اغراض من اخوها(طبعا قبل 18 سنه مافي جوالات)
والله فتحت لها وانا بطير من الفرح وواثقه بالمره وسالتني بيجيكم احد قلت لها لا ابد شمت ريحت البخور والقهوه والحلى جاهز على بالها احد بيجي بس بعدها بكم يوم الا وامه مبسوطه مني تقول ماشاالله عليك يمدحون بيتك ونظافته
وبس من بعدها صار البيت اهم شي عندي مستحيل اخرج وفيه شي طايح او خربان احرص على نظافة البيت اول وبعدين انا وعيالي
حتى بناتي تعودو مثلي اول يرتبون غرفهم ويرجعون على باقي البيت وبعدين يروحون يجهزون
اول شي احرصي على الترتيب باستمرار يسهل عليكي كل شي لا تبدئين بنفسك ولا عيالك الا لما تخلصين بيتك وبعدين عيالك وبكذا انتي تتفرغين لنفسك وماتشيلين هم بيتك وعيالك
طولت عليكم بس حاسه بمعانتك ياختي فقلت احكي لكم قصتي

وسلامتكم

يعطيك العافيه ((عايشه بكيفها))

انا مثلك ماشاء الله ماقدر اطلع وهو مو نظيييف او محووووس ماقدر لاني مابرتااح في جلستي عند الناااس اجلس افكر....ف عشااااااان كذا لازززززم ماخرج اي مكااان الا وبيتي نظيف ومرتب والحمد لله

لست الوحيده
الحمد لله

انا لما اطلع من البيت لازم يكون نظيف وابخره كمان بعوده

يمكن الواحد يصيره شي وهو طالع احب الناس يشوفوا بيتي نظيف

وفي بعض الاحيان لما اكون في المستشفي او لو يحصل لي طارئ ارتاح لما يكون بيتي نظيف حتي مفتاح البيت اعطيه للجيرا ن اذا كنت محتاجه شي ................. وانا مرتاحه من ناحيه النظافه والحمد لله