والله امي مااتخلى عنها لو وش ما صار قلعته باللي مايرده راح اختار الطلاق واخذ امي واطلع من بيته دامه مايحترم امي ومايحبها وخصوصا لو مالها احد وماعندها بيت وش بختار يعني اطردها من بيتي وين تروح الله لايرد الحياة اللي كذا اسكن انا وهي بالشارع ولا اتركها لحالها هذا اذا عندي راتب بقوله طلقني واطلع في بيت انا وامي اما لو ماعندي راتب فأقوله روح تزوج بس مايقرب مني وماله عندي اي حقوق ابداااااااااا

امي مايحتاج افكر اتخيل اترك امي مستحيل عسى عمري فدوه لرجولها
سمعت قصة مشابهه ان وحده زوجها طفش من اهتمام زوجته بامها ووجودها في بيته وقال بتزوج وارخصت له وجلس 3 سنوات يدور زوجه مااحد عطاه وصرف موضوع الزوجه الثانيه من باله شفتي ربي رزقها ع قد نيتها وبرها بامها

صراحه مايستحي والله عيب شكله يتحجج يبي يتزوج ومو لاقي له عذر الا أمك الله يعينك

شوفي بقوله بتكاليف الزواج استاجر لأمي ملحق بالسطح وانا ادخل واطلع عليها بالوقت الي انت مو فيه


او خلي اخوانك كل واحد بدل ماهو مرتز ومريح يدفع ايجار للبيت وسكنيها جنبك

وخوفيهم قولي ترى زوجي قالي كذا وكذا وانا بختار انها تجي لمكم وهم وحريمهم بيخافون

فعشان كذا بيدفعون الايجار وهم يظحكون انتي هددي وبس

هذا يطيح من العين لمجرد ان يخيرني بين امي وزواجه لانه يحاول يستغل ضعفك وحاجتك له وصدقيني هو حاط الزواج براسه وهذا الطلب جاء في باله عشان ما يتفرض يعني سواء طلعتيها ولا لا هو متزوج وانت ادرى بوضعك وزوجك ووضع امك