ما شاء الله فيه أمهات كثير بالمنتدى و عندهم بنوتات
حتى لو مو بنتك
بنت زوجك او بنت أخت او بنت أخوك
أذا دخلت عشر سنوات عطيها شنطة صغيرة زي المقلمة
يكون فيها :
*مرطب شفايف.
*مرطب يدين حجم مناسب للشنطة.
*مراية كيوت .
*مشط صغير و فيه مشط يتصفط حلو بعد.
*مناديل جيب.
*ميدالية لمفتاح دولابها او درجها او بس لزينة الشنطة.
و تكون الشنطة الذي الصغيرة بشنطتها اذا بتطلع مكان او تسير.
و علميها و عوديها قبل تنام تسوي:
١)لو حاطه مناكير تشيله .
٢) تتعلم تدهن يديها و وجهها قبل تنام .
و الكريم المرطب جنب سريرها اي نوع مناسب مثل فازلين او سيتافيل او كريم ٢١ المهم و انتي تشترين قولي للصيدلي ابي كريم مرطب يناسب الاطفال.
٣)تمشط شعرها و تلمه جديله و اذا قصير عادي المهم تمشيه حتى لو حرير شعرها عشان تتعود .
٤)تفرش اسنانها .
٥)تتوضئ و تصلي الوتر يبيلها صبر و ادعي لها عشان ربي ييسر أمرها و ترتبط بالعبادة و تخيلي الاجر سبحان الله العظيم.
٦)تقرأ آية او سورة من القرآن حتى لو تحفظها مو تلاوة لان الاذكار بتكون قرأتها بعد العصر او المغرب بس تقول دعاء النوم .
حتى لو كانت الظروف ما تسمح يكون لها دولاب جنبها او دروج
بس طاولة و سلة من محلات الكماليات اسعارها معقولة .
يكون فيها اغراضها .
و علميها ما تمشي حافية ابدا الا لو البيت موكيت
اما لو غيره لازم تلبس شبشب ... الشبشب افضل من الجوارب لان يا بنات ما تتخيلون ضرر المشي حافية .
خطوات بسيطة لكن....
ما تتخيلين كيف تتغير شخصيتها و كيف تستسهل الاهتمام لما تكبر
و الله يحفظكم جميعا و يحفظ بنوتاتكم ....
