هلا وغلا
انا حاطه ورقه على الثلاجه اي شي
يخلص
اكتبه على الورقه عشان ماانسى

مقاضي البيت تعتمد على كل بيت مختلف عن الاخر حسب احتياجات البيت ونوعية طبخهم
يعني اللي اجيبه لبيتنا غير اللي تجيبه فلانه والسبب اختلاف نوعية الطبخ والاحتياجات

بس طريقتي مثل طريقة بعض الاخوات عندي ورقه على الثلاجة يوم ينقص شي او يخلص اسجله

واعجبتني طريقة الاخت الغاليه انها مقسمه الاغراض وتحط جمب الشي اللي ناقص علامة صح الفكره هذي مره حلوه :)

ممكن تسهل علي لما يروح زوجي لحاله يجيب الاغراض ممكن احط له صح بدال ما اكتبهم مره ثانيه

الف شكر اختي مذهلة ع الموضوع الحلو
بالنسبة لي مثل الاخوات اللي يخلص اكتبه في ورقة لكن عمري ماتقيدت بالورقة دااااايم اجيب اشياء مالها داعي

طيب اخواتي هل تشترون بالجملة يعني المعلبات وادوات التنظيف اقصد بالكرتونه ولا تشترون مفرد

انا الصراحة نفسي استخدم طريقة الجملة احسها اريح وارتب واوفر لكن المشكلة عائلتي صغيرة

ماادري كيف طرقكم

هلا الغاليه ام مشاري

بالنسبه لي بما اني عايشه بشقه صغيره يعني ما عندي مخزن ولا غرف زياده وعائلتي بنفس الوقت صغيره بس انا وزوجي للان
فعشان كذا ما اجيب بالجمله اجيب بالمفرق ويوم يقضي اجيب غيره

لو عندي مخزن او مكان كافي بالمطبخ او الشقه مثلا ممكن اجيب للشهر كامل بس احيانا اضطر اني بالشهر اجيب مرتين ادوات التنظيف او حتى بعض الاكل لانه ما اقدر اجيب مثلا ثلاث علب زيت وعلب معكرونه وغيره وغيره ما اقدر اكوم بالشقه لانه ما في مكان

:)

اجيب بعض الاغراض الي تستهلك بالجمله والي ما نستهلكها بالحبه يعني المكرونه التونه الجبن السايل القشطه اكياس زباله شامبو بالجمله والله اريح