gold apple :

تصير بيننا زعلات لكن قليل بس زوجي الحمد لله مافيه طبع التجريح قدام الناس او هالسوالف محترم الصراحة جدا .. زعلات عادية بييننا وبسيطة , انا فيني طبع حلو فيني من قبل الزواج مو مدح لكن بجد طبع حسيت بفايدته مع الوقت مهما يصير من موقف مااوسخ لساني او اعامل بالمثل اصمت .. يعني اذا الطرف الثاني شد ارخي .. هو معصب ويتكلم ويتكلم وانا ساااااااااااااكته صح دموعي تطيح بس بعد مااحب ابينها .. لان اعرف لو اتكلم وازيدها كلمة منه وكلمة مني وتكبر السالفة .. ولا تعودت ابدا ابدا اسلوب الاولي والتالي مع انه اكثر شي يخنقني ويقهرني منه .. بس زوجي فيه صفات كثيير حلوة ..يعني لو تزاعلنا .. يزعل مجرد 10 دقايق لو يروح ينسدح او يطلع مشوار ويرجع ..يلف ويدوريبي الصلح مايعرف يرتاح وبيننا زعل يجي ويركز بعيوني ويقعد يسوي حواجبه حركات تضحكني .. لانه مرح جدا هو بأوقاته العاديه وحنون , وانا اسرع شي فيني الضحكة صح اكون ماده البوز واتحاشى اكلمه بس مااقطع واجباتي .. بس مااعرف اشيل بقلبي معاه ومع كل من حولي انسى بسررررعه غريييييييييييييييييييبه .. يوم يسوي حركات بعيونه يعني يقول يلا عااد افرديها الف ظهري ميته من الضحك .. ماني قادرة امسك الضحكة .. مانفعت العيون يقوم مرات بكوعه ينقزني وعيونه .. يلا ارضي مرات يباغتني يحس اني ضحكت يجي بسرعه قدامي لو لفيت ظهري يكشفني وانحرررررررررررررج واضحك بجنون زي الهبله عا د يستاااانس , وشي حلو فيه انه مايعرف يمارس حياته الطبيعيه وحتى شغله لو بيننا زعل يزهق من عمره يأثر جدا عليه مايرتاح لين ترجع الامورلطبيعتها وماعمر خذت اكثر من لحظات او يوم لدرجة مرة مر عليه اخوه بيطلعون واحنا متزاعلين طلع بعد دقايق رجع جا يقول ماقدرت اففف ماقدرت اطلع وانتي زعلانه عورتي قلبي !! الخلاصة .. اللي بفيدك فيه من خلال تجربتي وحتى زوجي صارحني فيها ومدحني فيها واثرت فيه يقول قلبك ابيض ماتعايرين ولاتشيلين قصده (اسلوب الاولي والتالي ) ، وسكوتك وتحملك وقت اللي انا شاد واتكلم بعصبية تعورين خاطري وانا اقط العن الكلام وانتي ساكته وادري انك قادرة تردين موضعف ، لكن نظافة في قلبك ولسانك وهذا شي كبيير يشدني ويعجبني بك .

تصير بيننا زعلات لكن قليل بس زوجي الحمد لله مافيه طبع التجريح قدام الناس او هالسوالف محترم...

بسمة فرح :

ماشاء الله عليكم ياحريم عالم حواء سنعات والله تدرون انا اليوم الرابع لي في عالم الصمت بس والله ملييييييييت ابد مايبي يعتذر بس يعلق ويضحك يحاول يلطف الجو الله يعين بتنازل واكلمه مضطره ابي اروح السوق ..بس الله يستر منه صابتني عقده من المشاوير معاه اخاف يسويها مره ثانيه ويحرجني

ماشاء الله عليكم ياحريم عالم حواء سنعات والله تدرون انا اليوم الرابع لي في عالم الصمت بس والله...