اذا زعل كل شيء ممنوع؟؟؟؟؟؟؟؟؟؟؟

ابغا اعرف هالموضوع كل الرجال فيه مثل بعض أو لا ؟
اختي حلوه كثير و زوجها يحبها لكن ؟
اذا زعل منها لاي سبب كل شيء ممنوع , هي مدرسه بمدرسه خاصة , اذا زعل عليها غيبها لانه هو اللي يوديها و مره جابلها سائق واذا زعل ما ارسله لها , و ياخذ منها الجوال , و لا طلعات و لا جيات حتى صارت تخاف احد يجيها وهو زعلان يحرجها مع الناس , هي ساكنه بمدينه ثانية , نفسيتها مره تعبانه تقول احس بالذل مالي قيمه و لا اقدر اتخذ موقف , زعلت و جات عند اهلي كم مره و جا و اعتذر ووعد لكن على طول مافي فايدة .
غير المشاكل المتواصله وهو على طول يقول تبي تاخذ حاجتها و تتركني , تصدقون يقول لو تتوظف حكومي اكيد تاركتني , و خلال فترة دراستها كان يحاول منعها تكمل لنفس السبب .
لا تقولون هي اللي محسسته و الله بس من زود غيرته و احساسه بالنقص و انها مو من مستواه و ممكن تلاقي غيره , نسيت اقول هي لها 8سنوات متزوجه و عندها طفلين
تصدقون حتى النت ليا زعل قطعه عنها , عشان كذه استشرتكم نيابة عنها , و باحفظ لها الردود تشوفها , و اكلمها تليفون بكل رد يجيني .
, ادعو لها الله يهديه لها و يهديها له و يصرف عنهم عيون الناس و الحساد خاصة ان اللي يشوفها مايصدق عندها مشاكل و يقول بيموت عليها .