اذا زوجك رضى بهالشي ادري انه يسوي افظع منه

متزوجه كاتبه قصتها في منتدى
نسائي اول مره في حياتها تدخل منتدى نسائي
قصتها :

من عمر 18 سنه بديت ادخل شات واتعرف على شباب وبنات واضيف
كل يوم سوالف معهم من الساعه 12 الى الساعه 4 الفجر

بعدين سجلت في موقع الفيس بوك حسيته اسهل لتعارف واحلى

تزوجت وكنت اسولف مره مع زوجي
قلت له ان بصراحه عندي موقع على الفيس بوك ومضاف عندي شباب وبنات
سألني علاقتك مع الشباب كانت تتعدى الصداقه رديت لا
قال خلاص عادي خليهم عندك

وكل فتره يشيك على حسابي وكنت حذره في الكلام مع الشباب
وماحد منهم يدري اني تزوجت


اضافتني بنت
البنت ملتزمه وكل الي عندها بنات
تعرفت عليها وكل يوم اتكلم معها
يوم درت اني متزوجه انصدمت
قالت انت متزوجه وعندك كل هالشباب
زوجك يدري عنك
رديت ايه داري وشايف
قالت بقولك اياها كلمه صريحه
دام زوجك رضى بهالشي وماحركته الغيره
ادري انه يسوي اشياء افظع منك
بعدين كيف ترضين على نفسك متزوجه وتحطين عندك شباب وتسولفين معهم
تراها خيانه وحرام حتى لو زوجك داري

ما عجبني ردها عصبت حظرتها


كلامها مايروح من بالي وبديت احس بالذنب
صح انا متزوجه ليه اضيف شباب
قررت اسوي حساب جديد ومااقول لزوجي عنه
سويت حساب و اضفت بنات وشباب عشان
وغيرت باسلوبي ومواضيعي
اضفت زوجي
وحاولت اتقرب منه
لقيته يتجاوب بسرعه
ارسلت له مره
انا معجبه بشخصيتك كثير احسك انسان ناضح ودي اكون معك على تواصل دائم
ودي اعرفك اكثر اعرف كل شي عنك

رد
هلا حياتي ابشري امري وش تبين تعرفين
بعطيك المعلومات الاساسيه
وبعدين اسألي الي تبين
اسمي ....
عمري 35
اعزب
من ...


سألته اسئله وكان يجاوب ويسمعني كلام حلو
والله ماسمعني اياه بحياتي

بعدين ارسلي مره رابط حسابه الثاني بالفيس بوك
وياليتني مادخلته


كل الي عنده بنات
ومشترك في قروبات وسخه
ويدلع البنات ويدللهم بطريقه خياليه

وربي انا زوجته ماعمره قالي هالكلام والا عاملني بهالطريقه

غير كذا يمتدح جمال بنات عنده شيف شيف جنبي مليون مره




ويراسلني على الخاص بطريقه غريبه وبدا يتجرا بالكلام معي
ويتمادى ويسألني عن ملابسي وعن شكلي وجسمي
ويطلب صور ورقم جوالي وكل شي يخطر في بالكم



انصدمت فيه ماتوقعته كذا
ينكر انه متزوج ومسوي نفسه انسان مثالي ورائع

ومافي مثله واهو اكبر خاين وكذاب



مسكت نفسي عن الموضوع 3 اشهر
بعدين ماقدرت

رحت شلت الحظر عن البنت
وتأسفت منها

وخبرتها سالفتي
قالت واجهي زوجك

ترددت
بعدين قررت اواجهه
اتهمني بالتجسس والشك وعدم الثقه واني بعد مضاف عندي شباب وماقالي شي

وغيره
وبعد نقاش حاد
استمر ساعتين
طلبت منه يودني بيت اهلي

وداني


بعد اسبوعين اتصل فيني
وقالي يبني ارجع
اشترطت عليه شرط
عشان ارجع



انه يحذف حسابات الفيس بوك حقته قدامي
وانا بسوي نفس الشي
وماعاد ندخل الموقع

وبالفعل وافق وحذفهم

حرمت بعدها اسجل في مواقع تعارف او حتى مواقع عاديه
واكتفيت بالمواقع النسائيه


هذه قصتي باختصار لكم الي حبيت اوعي فيها متزوجات غافلات ....