اذا زوجك متضايق او تخاصمتوا كيف تتصرفين تعالوا اقولكم طريقتي

بسم الله الرحمن الرحيم
السلام عليكم ورحمة الله
كيفكم ياحبيباتي اخباركم
اليوم بما اني فاضية راح اكلمكم عن الطريقة الصحيحة الي جربتها اثناء غضب زوجي
او كان معصب او متضايق من موضوع [SIZE="4
طبعا اكيد كلكم تتفاجئين يوم الا زوجك داخل عليك ومبوز وزعلان وماتدرين وش فيييه :huh:
ويدخل الغرفة لا كلام ولا سلام ولا شي
وانتي تجلسين في قلق لازم تعرفين وش فيه واذا جلس وهو ع الصامت تجين انتي فوق راسه فيك شي حبيبي؟! لا ولا شي خلوني لحالي وتجي اختنا في الله مدرعمة ليش ماتقولي وليش اخليك لحالك اصلا انا ما اهمك اكيد فيه شي و.و.و.و. لحد مايرتفع مؤشر الغضب عنده ويقلب عليك وممكن يسبك وتتحول مشكلة مدري متى عاد تتراضون بعدها


التصرف الصحيح يا اختي وياحبيبتي مفروض انك استقبلتيه بابتسامة ولما شفتي تغير مزاجه ابدي قلقك وخوفك
خليه لحاله للمعلومية ((الرجل اذا تضايق يحب يجلس لحاله ويفكر بصمت اما المرأة اذا تضايقت تحب تفضفض لق لق لق لق لين تصدع راسك تفكر بصوت مرتفع))
خليه لحاله وروحي المطبخ واكيد انك تعرفين وش العصير الي يحبه سوي له كاس وروحي عنده وحطي جنبه ممكن مايرد عليك ولايقولك شي شي طبيعي عادي المود باقي مافصل
اطلعي روحي شفي لك شغلة
انتي تعرفين ان زوجك يحب القهوة سوي دلة تعدل الراس مع كم حبة تمر وروحي له وادخلي واجلسي
وصبي له فنجال صدقيني بتكبرين في عينه بيحس فعلا ان زوجته تحبه وتقدر مشاعره وتفهمه زيييييين
وصبي لك انتي وخليك ساكته وصدقيني هو لا شعوري راح يتكلم هذا لغالبية الرجال
اما الرجال المعقد هذا ممكن مايتكلم والنوعية هذي مابتتكلم الا لحد ما يلقى حل لمشكلته
ممكن بعدها هو يجيك ويقولك ترا صار كذا وكذا وابشرك انحلت بكذا وكذا :02:
هذا الجزء الاول الي هو في حال ضيقة زوجك وتغير مزاجه





















اما الجزء الثاني : ف هو اذا زوجك معصب وشبت بينكم كيف تتصرفين؟!:024:



اول شي بيكون المؤشر عنده مرتفع جدا والصوت مرتفع وهو يتكلم انصتي له وبيني له انك مقتنعة بكلامه وانه هو الصح لان الرجل اذا غضب مجنون بيجلس يتكلم وانتي منصته بكل هدوء ومقتنعة تماما بكلامه حتى لو مو مقتنعة مثلي ;)وبعد مايخلص قلي طيب مايصير خاطرك الا طيب باقي تبي تقول شي ماراح يرد عليك وبيكون مجهد من الصراخ والتهزيء اطلعي من الغرفة
وروحي شفي لك اي شي واثناء شغلك سبحي واستغفري وادعي ان ربك يرزقك القول السديد والتصرف الحكيم وبعد ساعة ولا ساعتين جهزي قهوة وناديه وناقشيه في الموضوع بهدوء صدقيني بيرجع ياخذ بخاطرك وبيندم ع صوته العالي واسلوبه معك





واممممم بس طال اعماركم هذي من تجربتي مع شايبي الوسيم:a_smil08: