السلام عليكم
انا عندي اخو عمره 20 سنه .. سألته ذاك اليوم سؤال .. قلت له شخبارك و اشلونك؟؟ قال لي متضايق و الناس كلها مستانسة
قلت له عسى ما شر اشفيك ؟؟
قال الكل عنده حبيبة الا انا ........(( قالها على غشمره بس حسيت انه وده بحبيبة))
قلت له أفا عليك اذا تبي انزوجك ان شا الله احسن البنات في الخلق و الدين و تصير لك احسن حبيبة
قال لي الزوجة ما تتبدل و الصديقة تتبدل (( قالها على غشمره ايضا بس انا خفت من رده هذا))
انا اهني تمالكت اعصابي وقلت له لا يا اخوي دير بالك ترى كما تدين تدان وقعدت اذكره بقصص صارت
والله الحين انا مادري شسوي الحين؟؟ هل انزوجه بس اخاف يظلم بنت الناس .. لأني كذا مره اساله اندور لك زوجه و دايم يرد على ان تو الناس و ماي فكر بالزواج الحين
قولوا لي شسوي؟؟
ودي اقول لأبوي لأنه اعرف مني بالشباب و شنو يدور في تفكيرهم بس ابوي الحين مسافر و ما ودي اغثه زياده
قولوا لي اللي عندها اخو مثل اخوي اشلون تصرفت معاه
ملاحظه :: هذا اخوي حيل طيب و خلوق و مؤدب و الكل يشهد عليه من جيرانا الي اصدقاء ابوي اللي صادفوه ..حتى في شغله لأن ولد عمي يشتغل بنفس المكان يقول ان الكل يمدح فيه حتى المدراء
والله يوفقكم
SAROOONA @sarooona
عضوة مميزة
يلزم عليك تسجيل الدخول أولًا لكتابة تعليق.
ام كوشة
•
طيب هو قادر على الزواج من كل النواحي من مهر وشغل وعمل وبيت ومصاريف وانتي تقولين ان اخلاقه عاليه
وخلي ابوك يكلمه ويعرض عليه الزواج وشوفو ولا تغصبونه ابد اذا كان مايبي
ربي يوفق ان شاء الله ويجمعه ببنت الحلال ويستر عليه من هالشباب
وخلي ابوك يكلمه ويعرض عليه الزواج وشوفو ولا تغصبونه ابد اذا كان مايبي
ربي يوفق ان شاء الله ويجمعه ببنت الحلال ويستر عليه من هالشباب
SAROOONA
•
اختي ام احمد .. جزاج الله خير .. انا فعلا كنت قريبه منه وكنا اصدقاء بس صار لي سنه ادرس مو في الكويت .. احس انا ابتعدنا اشويه يمكن علشان جذي يحس بالوحده
اختي أم كوشه .. ابوي سبق و عرض عليه انه يزوجه بس مو راضي و حتى انا بس يقول ان الزواج مو في باله ابد.. و جزاج الله خير اختي
اختي أم كوشه .. ابوي سبق و عرض عليه انه يزوجه بس مو راضي و حتى انا بس يقول ان الزواج مو في باله ابد.. و جزاج الله خير اختي
SAROOONA
•
قمرهم كلهم.. جزاج الله خير .. لما الحين ما ندري منو انزوجه .. طبعا تشاورت انا و خواتي في هالموضوع يعني نتذكر بنات نعرفهم بس مافي.. مشكوره اختي على فكرتج تراها فكره حلوه
الصفحة الأخيرة
الله يحفظه ويبارك لكم فيه وتشوفونه معرس يارب..