اسوا اسبوع في حياتي اللي رحت فيه للطايف غبار وزحمه وناس مقلعه وبالليل خوف ومايصلح ابداااااااااااااااااااا والله عندي الرياض وزحمته وحره وصجته ولجته ابرك مية مره من الطايف

ياهلا فيك اختي في الطايف عروس المصايف:)
اظن تعرفين موقع الطايف....هو من مدن المملكه الغربيه وبيعد تقريبا ساعه بالسياره عن مكه المكرمه
هي منطقه جبليه وبارده..جوها معقول جدا برودته في الشتاء والصيف فيها جنه:)
عندك منطقة الهدا..فيها فندق وجلسات بهادر(اظن غير اسمه الان) تحصلينه عند نقطة التفتيش..الجلسات فيها حلو ورايقه ويعمل في الصيف مهرجانات جميله على قده
فيه فلل للايجار في الهدا كثيره ,بعضها حلو وبعضها لأ
تحصلين في الهدا اللي يبيعون لك الفواكه...واحسن شي انها من المزرعه مباشره..تحصلينهم في الشوارع
واكيد اشهر شي في الهدا هي القرود..لول..:)
بس انا اكره القرود مره ..بس اذا حبيتي تفرجي عليها من بعيد لأنها شرسه احيانا
فيه منتزه اسمه النقبه الحمرا..تدخلينه بسيارتك وكل شي فيه تقريبا..كمان هذا تحصلينه بالهدا
غير المنتزهات الكثيره اللي في الهدا
الهدا مميز بورده اللي هو الورد الطايفي
تقدرين تروحين للمزارع مباشره وتشترين الورد منهم وماء الورد ودهن الورد سواء لنفسك او كهدايا:)


الردف:
هذي تكون بعد شهار
زي ماقالت وحده من الاخوات فيها صخور غريبه
وفيها منتزهات تمشي الحال
بس احسها لشباب اكثر
فيها حديقة حيوانات بس ماادري اذا فيها حيوانات الى الان او لأ!!!!!!!!


الشفا:
جبليه وحلوه وخضرا وترد الروح بس للاسف خربت الان
لكن مازالت خضرا وحلوه وفيها فلل للايجار حلوه
ولاتنسين تذوقين الفواكه عندهم لأنها غير شكل


الوهط:
فيها منتزه الشعله..احب هذا المنتزه بااااااااارد جوه مره..حتى في الصيف برد
وفيه مسبح وجلسات ومطاعم وفلل تقدرين تباتين فيها لوحبيتي
وفيه قسم خاص للنساء فقط
الوهط مشهور بالبر حقه..دايما نكشت فيه


الحويه:
بر تقريبا
بس فيه منتزهات لابأس بها

منتزه سيسد:
زي ماقالوا الاخوات يكون زين مرررررررررررررررررررره اذا نزل مطر لأنه يصير اخضر

حديقة الملك فهد:
حلوه ومشهوره مره
فيها مهرجانات وملاهي ومطاعم وجلسات وخضار وبحيره
ياليتك كنتي في حديقة الملك فهد قبل تقريا شهر..كان مقام فيها مهرجان الورد,مرررررررررررررررررررررررره حلو


فيه خيام قريبه من حديقه الملك فهد:
كل سنه تقام خيام تسوقيه ومهرجانات والعاب ناريه وكل شي تقريبا:)
تحصلينها قريب من حديقة الملك فهد
كمان فيه العاب السواط في الشفا وكمان قريبه من حديقة الملك فهد

فيه منتزه حدبان على طريق الشفا


ملاهي الحكير في شهار


الاسواق:
برحة القزاز...سوق شعبي..حلو الذهب فيه اذا تحبين الذهب السعودي الاصلي
العنقري..كمان سوق شعبي
سوق العبيكان اللي في العنقري...سوق صغير وفيه سوبر ماركت
سوق الطايف الدولي...ملاهي اطفال وملابس ......الخ سوق جيد كل شي فيه الاالسبرماركت والمطاعم
بس فيه جلسات يقدمون اكل فيها

سوق قلب الطايف اللي هو البرج:هذا احد واحسن سوق بالطايف حلو

فيه شارع الخطوط(شارع ابوبكر) محلات ابوريالين ولابس رخيصه ..تمشي فيه:)


شارع شهار:افخم شار بالطايف تقريبا..فيه محلات ملابس ومحلات حلويات ومطاعم


المأكولات:
لاتفوتك فواكهه الطايف زي الخوخ والمشمش والرمان والعنب والبرشومي والتفاح الطايفي والتوت غير الورد الطايفي
محلات الحلويات اشكال والوان واشهرها محل مذاق الملكه..مرررررررررررررررررررررررررررررررررررررره ممتاز
المطاعم:كنتاكي ,البيك,بيتزاهت,ماكدونالدز...........غير المطاعم الشاميه والتركيه زي مطعم اهلا وسهلا


الطايف يتغير كثير في الصيف...يصير حلو وحي
غير جوه الجميل

الطايف مره صغير ومايتوه ابدا


ياربي اكون قدرت افيدك ولو قليل

واي شي تبينه ,ابشري ومن عيوني:)



اتمنى لك صيفيه ممتعه

لالالالالا ابد ماسبيتي هههههههههههههه

صحيح جده حلوه مارحت لها بس العالم تمدح فيها وان شاء الله نزورها

ومــــــــــــــــــــــشكـــــــــــــــــــــــــــوره

وانا اتمني لج اجازه سعيد ومشكوره يا عمري

ايه نسيت منتزه اسمه الكر..وهذا تقدرين تروحين له بالتلفريك..مره تجربه جميله لاتفوتينها
المنتزه نفسه جيد واكر من ينبسط فيه الاطفال والرجال لأنه اغلبه مسابح والعاب مائيه

كمان اونتي ماره على حديقه الملك فهد شوفي قصر المؤتمرات(ممنوع الدخول لقصر المؤتمرات)لكن شوفيه من برى..هذا القصر هو اللي صار فيه معاهدة الطايق حقت اللبنانيين..دايما يقولون معاهدة الطايف لوتشوفين وتسمعين الاخبار, كمان هذا القصر استضاف امير الكويت الشيخ جابر الله يرحمه ايام ازمة الخليج.